تكفون بنات اللي راحو لنكاوي تعالو بسرعة

بنات انه حجزت لماليزيا بعد العيد انه وزوجي وعيالي اثنين 3 و 6 سنوات على الطيران السريلانكي من تاريخ 25/8 الى 6/9
والصراحة مابي أطول بكوالالمبور لأني ماحب الزحمة والتسوق
فبخلي اول 3 أيام في لنكاوي وبعدين 3أيام الكاميرون وآخر 3 ايام بكوالالمبور عشان نروح جنتنج وأفاموسا

الحين سؤالي : إحنا نوصل كوالالمبور الساعه 2 الظهر فشرايكم أحجز طيران داخلي الساعه 5 جذي ونروح على طول لنكاوي لان الرحله قصيرة ساعه إلاعشر تقريبا لأن اليوم ضائع ضائع وحتى لو رحنا فندق في كوالالمبور أتوقع ماراح نسوي شي من التعب ونفس الشي راح نرجع اليوم اللي وراه المطار عشان نسافر لنكاوي وتقريبا الطريج ساعه الا ربع الى المطار ولازم نروح قبلها بساعتين وإذا كانت رحلتنا الصبح راح نقوم وايد مبجر عشان نلحق على الطيارة ومعاي يهال فيمكن يكون تعب
تكفون بنات قلتلكم كل اللي في بالي لأني صج صج محتارة واللي جربو الطريقتين ياليت يفيدوني بالطريقة الأحسن والأريح عشان أبي أحجز الطيران الداخلي وشنو أحسن من ناحية الوزن الطيران الماليزي أو اير اسيا ؟
بنات ياليت تعطوني اقتراحاتكم و لاتقولون لي روحي سن وأي لاقون لأن زوجي ملتزم وماراح يرضى يروح ألعاب مائية
آسفه على الإطالة :eh_s(15):