واخيرا سويت عمليه خشمي والنتيجة طلعت مثل ماتمنيت ~

<div>

السلام عليكم
صبآيا وحبيباتي بنات منتدى كويتيات . .
انا حبيت ابشركم واكتب لكم تفاصيل عمليتي وافيدكم مثل
ماأنتوا حييل حييل أفدوتني . . والفضل لله ثم لكم اني استفدت بمعلومات
عن العمليه وكل شي .. وابي انقل تجربتي عشان افيد اكثر شئ البنات
الحيرانين اللي انا كنت واحده منهم ..

نقول بسم الله ..

اولا انا قطريه وقبل سنتين كاتبه موضوع هني ان انا ابي اسوي عمليه عند نادر صعب سبحان الله والله ماكتب .. بس كبدايه بقولكم كل شئ انا واحده مش مهووسه تجميل
والحمدالله الحمدالله راضيه عن شكلي بس كنت متعقده من خشمي لان الكل يقول ماشاء الله
ملامحج جميله بس لما يجون عند خشمي يسكتون وانا بقولكم مشكله خشمي
اهو ناعم حييل ومحدد بس العظمه تجي سيده وبالنص تطلع عظمه بارزه مثل النقزه
ماحد يلاحظها الا اللي يطالعني على جنب ..اما كوجه خشمي حلو ارنبتي متبته شوي بس زينه
وفتحات خشمي عيبها شوي ناقزه فوق لما اضحك توسسع وهاي حيل يضايقني وخاصه
لما اضعف احس خشمي فتحاته تصير عريضه .. اهلي كلهم يقولون نشوف مافيها شي حلوه ..
المهم انا بحياتي ابدا ابدا على كثر ماانا متضايقه منه مافكرت اسوي عمليه
اقول ودي اييي بس ماكنت افكر فيه دكتور شاطر لان الفنانات اللي شفتهم وخاصه من سنين
مثل 5 سنين مافي حد يشجع منهم تقول خشمها واو ابي اسوي نفسها ..
الا من سنتين واحده من اهلنا راحت مصيفه لبنان واهي مسكينه بنات خشمها مشووه يعني هالبنت
كانت صججج معانيه منه .. وتشوفينه تقولين مستحيل دكتور يضبط لها اياه .. فا اهي ردت من لبنان انصدمنا خشمها لو اتكلم عن جماله لين بكره ماوفيه حقه .. ناااعم ومرسوم رسسم
وماتشكين ولو ثانيه انه عمليه .. ارنبته اللي مو مرفوعه و لا نازله مستويه ومافيه اي اثار نحت
تقولين هالدكتور ما حكه او شي جذي ماشاء الله ماشاء الله ..الله يهنيها ..اهني انا ركبت راسي
واسالها قالت لي نادر صعب .. وماعاد في راسي ماي ابي اروح له صكيت راس اهلي ورضوا بالاخير واقتنعوا وسبحان الله حجزنا التذاكر وانا بهالفتره كله استخير الا بليلتها سفرنا صار ظرف لابوي بالشغل بعد ماقتنعت قلت بعد بروح مع خالي مو مشكله .. وبعدها بكم يوم صار عندنا ظرف بالبيت ردني من السفره صدددق تحطمت وامي قعدت تقنعتني يمه خيرره ماتدرين ..
المهم بعدها بسسنه اهلي عشان يرفعون معنوياتي قالوا روحي الاستشاريين بقطر شكثر
وشوفي وبالفعل رحت لدكتور قطري معروف وشهرته واسعه بقطر ** ماراح اذكر اسمه
واستشرته وماعطاني فرصه قال بالفعل خشمج محتاج معاج لحميتين الواحده كبر الزيتونه
وانعواج وحولني على المستشفى الحكومي مع ان انا جيته بعيادته الخاصه ..
قلت له اوك وجيته بالحكومي وخذيت عنده موعد العمليه مع العلم هالانسان خلوق ويخاف ربه وسمعته معروفه بعملياته ناجحه .. وانا جيته على كلام الناس وسبحان الله لما قرب موعد عمليتي
بدايت اتوتر واخاف وجاتني حاله نفسيه رهبه وطول هالفتره وانا استخير وتصوروا لما جاء موعد عمليتي رحنا الصبح واهلي وياي مزهبه نفسي ومعاي جنطه ملابسي .. ولما جيت بدخل غرفه العمليات قالوا لي اسمج مو موجود .. انصدمت في البدايه شلون وكيف ؟؟ وبعدها طلعت من المستشفى مادري شلون حسيت براحه غريبه احس هم وانزاح ..
قررت انسى فكره العمليه مؤقتا .. وبعدها يمكن 5 شهور طقت العنز براسي وجيته
قالي وينج ومادري شنو صارت تغييرات بالاسامي وهالشكل وعطاني موعد عمليه ثاني بس هالمره قرييب ..
خفت بعد وقلت معليه بتوكل على الله وهم مره ثانيه استخرت وسبحان الله قبل عمليتي بكم يوم
اغمى علي ومرضت فتره طويله وطبعا العمليه تكنسلت اهني سبحان الله تاكدت ان الله مب كاتب لي اسويها عند هالدكتور . .:eh_s(8):

نجي وللمره الاخيره اختي قالت لي عن رفيجتها اهي سبحان الله نفس مشكلتي عندها عظمه ناقزه
بنص خشمها .. وتواعدت ويا اختي بمكان ولما تقابلوا على اخر طلعتهم قالت لاختي : فلانه
لاحظتي فيني شي متغير قالت اختي : لاااا بس محلووه ماشاء الله
قعدت تضحك :قالت مالاحظتي انا مسسويه خشمي .. اختي انصدمت : صجججج ماشاء الله مو باين محلووو :eh_s(15): خشمج بس ماكأنه عمليه ابددن .. قالت رفيجتها : الدكتور اللي سوالي مايحب يغير خلقة الخشم وايد اهو بس شالي العظمه بنص خشمي ورفعي لي اياه رفعه بسسيطه ..
سالتها اختي شنو اسمه ؟ قالت : حمد الجابر .. ( دكتور قطري واستشاري )

علطول اختي قالتلي وتفائلت وحطيته براسي ورحتله الصيف اللي فات وكان وقتها فاضي عيادته اغلب الناس مسسافرين .. ويابنات شنو اقول عن الدكتور انصدمت غيررر عن كل الدكاااتره :yaaaaaarb: من الدرجه الاولى مستمع يهمه رايج انتي بالاول بعدين اهو يتكلم . مؤدب جددا يخااااف ربه فييج مش مادي ..

قعد معاي سالني بالاول قبل كل شي شنو مب عاجبج بخشمج :
وشرحت له هالشكل وهالشكل قعد يضحك قالي هذا مو كلامج هذا كلام الدكتور " فلان " ههه يقصد الدكتور القطري اللي جيته قبله .. انصدمت منه واهو صادق :krkrkr: ..
انا قلت نفس كلام الدكتور اللي قبله لان في بالي هذا اللي خشمي محتاجه
المهم بعد ماستمع لي قالي من قالج محتاجه عمليه تجميل انتي ماشاء الله ماتحتاجين
انصدمت حرام عليك بالعكس احتاج قال لحظه افحصح من داخل وفحصني قال صحح
فيج انحراف من داخل ولحميه ..
بعدها قعد يشرح لي نظريته قالي شوفي في العمليات كل شي نسوي يترتب عليه شئ ثاني
يعني انتي في بالج اشياء سهله تبينها بالضبط بس لااا يعني مثلا انتي تبين تحكين العظمه
الناقزه بسس هاي بالعمليه لو حكيناها بينفرش العظم يعني لازم نلملم العظمه كامله حتى من الجوانب .. وفتحاتج ماراح العب فيها لان لو جات علي كدكتور اقولج ماراح اغير فيها بس مجرد شدد .. قلت له اوكي هالشكل انا راضيه .. قال لي اسمعيني انا انسان وسواسي في شغلي
ودقيق وفوق هذا اهم شئ عندي مابي احد يطالعج يشك لو 1% انج مسويه عمليه ..
اهم شئ بعملياتي انه طبيعي . . ومبدأي انه احسسن العيوب واصلح مو اخلق لج خلقه
جديده انا اسوي بالامكانيات اللي قدامي ..

اهني انا اسسستانسست ويابنات ارتحت له بشكل مو طبيعي :eh_s(9):
طبعا كانت القعده وياه مطوله وصار فيها كلام وايد بس مابي اطول عليكم ..
المهم هذيك السنه 2011 و مع بدايه 2012 كنت مريضه .. فما خذيت معاه موعد عمليه وكنت اتعب بين فتره وفتره والحمدلله تعافيت من 3 شهور .. وطقت براسي العمليه وجاء شهر 5 وادور له موعد بس زحمه ولما جيت خذيت موعد عنده .. اخذت امي وياي وقعدنا واتفقنا بكل شئ
بتفاصيل العمليه بس تغير كلامه شوي يمكن لاني ضعفت وايد وحس فتحاتي عرضت قالي شوفي فلانه بالعمليه لما بسوي خشمج وحسيت فتحاتج يبيلها تصغير بصغرها بس مو اكيد رضيت ووافقت مع اني ماكنت مقتنعه . . واصدمكم بنات مع انه العمليه بالخاص ومكلفه لما شافني حييل خايفه قالي فلانه : افضل انج تستخيررين احسسن ..

ماتوقع في دكتور يقول هالكلام واهو الربحان والله يابنات مو دعايه انسان فاهم وواعي ويخاف الله فيج قبل لا يسوي اي شئ .. :eh_s(15):
والعمليه كلفتني كلها 25 الف ريال قطري
مع الاقامه يوم بالمستشفى ..

خذيت موعد العمليه اخيرن :eh_s(9): وكان بتاريخ 19/5 يعني السبت اللي فات ..
وقبل العمليه باسبوع كنت مشغوله اخلص اشغالي عشان اتفرغ اقعد بالبيت بعد العمليه
واصلي الاستخاره وكنت مستغربه احس براحه وبحماس ولا فيني اي ذرة خوف مثل قبل ..
وتيسرت لي اشياء حييل حق العمليه كانت معترضتني ..
ودق العد التنازلي :eh_s(22): وجاء موعد العمليه كان موعدها الساعه 7 الصبح
وطلعت من البيت 6 ونص ووصلت قعدنا بالغرفه اهو قالي دزيلي مسج لا وصلتي المستشفى
برقم الغرفه .. وتمينا انا وامي واختي نضحك ونسولف وقعدت اقرأ قرآن شوي لين جاء
ومعاه كاميرا قلت هاي شنو ؟ قال كاميرا بصورج !! قلت بغباء : ليش > متنحه الحبيبه :ch12: ..
خلاني واقفه وقعد يصورني : امبيه شنو الصوور بشعععععه مآساه :eh_s(16):
قعد يضحك قال : ادري بتكررهنني بسبة الصووور :eh_s(11):
قالي : اي اسئله او شي قلناله لا وطلع ..

<div align="center">توني للحين مو مستوعبه بسوي عمليه بعدين قمت اسولف اي شي واستغفر شوي بالمسباح
مابي افكر .. الا جاوو السسترات يطقوني بنج وحبيت اقولكم ملاحظه ترى البنج ( عام )
ولبسسوني لبس العمليات . . وحطوني على السرير النقال وتميت اصارخ اقول لامي تعالي وياي
<font face="Comic Sans MS"><font size="6"><font color="darkslateblue">تحت غرفه العمليات