معلومات مهمة قبل لا تسوين حجوزاتج عن طريق الانترنت

السلام عليكم ورحمة الله وبركاااته



http://up2.q8yat.com/uploads/images/...92eb52e00c.jpg


حبيت انزل هالموضووع لسبب مهم ان الفترة الياية باذن الله فيها كذا موسم للسفر مثل اجازة الصيف قبل رمضان المبارك والاجازة الثاني مالت العيد وبعد العيد وغيرها من المناسبات والعطلات الي الكويتيين يحبون يستغلوونها بالسفر في الغالب واكتشااف دول ومناطق يديدة :eh_s(15):


ولان صار الحجز عن طريق الانترنت اهو الشاائع خلال الفترة الماضية حبيت احط خبرتي بهالموضووع وملاحظاتي ين ايدكم علشان الكل يستفيد باذن الله :eh_s(9): ونخطط كلنا لاحلى سفراات

الخطوة الاولى :البحث


http://up2.q8yat.com/uploads/images/...012dc9e36b.jpg



جمعي معلومات كافية عن الديرة الي تبين تسافرين لها عن طريق السؤال او الانترنت ويعتبر موقع العرب المسافرون موسوعه بهالمجاال وطبعا منتديات كويتيات لا غنى عنها

واحرصي انج تعرفين افضل شركات الطيران والفنادق والجدول الرحلات وكتبيهم عندج وتقدرين تطبعين بحثج وتاخذينه معاج بالسفر راح يفيدج واايد


الخطوة الثانية : الطيران

http://up2.q8yat.com/uploads/images/...19b1ee83d9.jpg



غالبا طيران الدولة الي انتي فيها ( الكويتيه والجزيرة على سبيل المثال ) يعتبرون الارخص في بعض الاحيان

وممكن ينافسهم بالسعر طيران الدولة الي انتي بتروحيلها مثلا اذا بتروحين الامارات شركات الطيران الاماراتيه وهكذا

ولكن هالمعلومة ما تعتبر قاعده خصوصا وان التنافس بين شركات الطيران كبير جدا والعروض الي يسوونها تنافسية

طبعا اول خطوة تحددين الفترة الي ناوية تسافرين فيها وتتأكدين من الرحلات الي تروح حق وجهتج وممكن تسوين سيرج بقوقل تطلعلج اكثر من شركة وقارني الاسعار واختاري الافضل :eh_s(10):

ملاحظة : كل ما كان الحجز مبجر كل ما ضمنتي سعر ارخص وافضل


الخطوة الثالثة : الفندق

http://up2.q8yat.com/uploads/images/...f9443f7432.jpg



افضل موقع بالنسبة لي لحجز الفنادق اهو بوكنج ومعروف للكل على ما اعتقد booking.com وفي الحالات الي ما يعجبني سعر فندق معين فيه او ما احصل الغرفه الي ابيها اخذ اسم الفندق وادش موقعهم بالنت واحجز عن طريقه وساعات يكون الفندق مسوي عرووض وباكجااات عن طريق موقعهم الخاص

موقع ثاني وايد عليه اقبال من المسافرين اسمه اجودا agoda.com ولكن للمانه ما جربت احجز منه لان دايما احصل المطلوب بطريقتي الي ذكرتها اول شي


ملاحظات :


طبعا يعتبر التسوق شي اساسي بالسفر خصوصا للبنت ودايما نروح الجنطة فاضية ونرجع فيها ملياانه علشان جذي انا احط جنطة متوسطة او صغيرة او اكثر داخل جنطة السفر لان راح احتاج جناط زيادة هناك بدال لا اشتري وتتكود عندي جناط في البيت


احاول اطبع خريطة للمنطقة الي ساكنه فيها علشان اعرف اهم الاشياء الي يمي وخصوصا السوبرماركت والبنوك والاماكن السياحية القريبه الي ما تحتاج سيارة


طبعا مهم جدا اطبع نسخ من حجوزاتي الي توصلني على الايميل احتياط وخصوصا اسيف رقم الحجز



حاليا هذا كل الي في بالي وطبعا ما نستغني عن ملاحظااتكم وخبرااتكم في هالمجال وياريت تثرون الموضووع فيها

http://up2.q8yat.com/uploads/images/...c68ac174cb.jpg


اتمنالكم ايام سعيدة في الكويت وخارجها

:D:eh_s(7)::p