بنقل قريبا وبأثث بيتي من جديد مابي اكرر الاخطاء القديمة حياكم فيدوني وافيدكم بالصور
السلام عليكم حبيباتي
بنقل باذن الله وقبل قاعده افتر واشوف المحلات والاثاث ومواقع النت
حابة اول شي اخلص من غرفه نومي لان القديمة اخذت مقلب فيها وفصلتها وطلعت ولا شي خاطري اشتري جاهزة وجودة وسعر حلوو
وهالمرة اخترت اكيد اللون البني او البيج حسب اللي راح القاه بالسوق للغرفه احسه ذرب هذا اللي براسي الحين
وقررت ابحث واشوف وايد عشان اعرف شنو محتاجة ولا احط شي انا مو بحاجته
وبالنسبة للتسريحة ماراح اخذ تسريحة لا ابي اعمل ركن مرايا وحده طويلة ووحده دائرية وتحتها جرارات المكياج بديكورات واشيا جديده .... حدي ام الخيال :rerrerek: لان التسريحة دايما تاخذ مكان ويالله اقعد عالكرسي اللي معها هههه مااعرف اتمكيج او اشوف نفسي الا وانا واقفة والجراارات ما تسع شي فبشوف شي مسكر وادراج طويلة وعريضه
وابي الكرسي اللي تحت السرير الطويل هذا وبس يكفي
وراح ادخل لون موف فاتح للحيط او ورق جدران برونزي الحين راح تشوفون بالصور هاللونين شلون روعه مع البني او الفرش مع برونزي ابي هذة الالوان وضروري قطعة تايغر اموووووووووووت بالتايغر حتى لو مخدة وحده مع البرونز والبني والبيج راح تطلع خيال
شوفوا الصور وقولولي رايكم يعني افكاري راح تكون من هالصورتعبت وانا ادور من جم يوم شجعوني لول ويارب افيدكم وتدعولي يعني اضرب عصفوريين بحجر :) اوريكم وتناقشوني يالا نبدي
طبعا من كل غرفه عجبني شي او فكرة
هذة قطع التايغر اللي خاطري فيها تعمل حركة وتكسر الاشيا السادة واااو
حتى لو مخده تايغر مثل هالصورة خياااااااااااااال
اهني الارضية خيال مادري شنو اهي
شوفوا هذا لون الموف الهادي اللي تكلمت عنه بس بصبغ طوفتين مو الكل او ورق البرونزي بعد مارسيت لاعرف غرفتي بيضا او بنية بحدد اكثر
واهني الزولية ابيها شوية اغمج برونزي مع لون الكفر البرونزي والستاير طبعا كله بخيالي
شوفوا كفر السرير البرونزي حده شي ببالي جذيه ومع قطعه التايغر اللي اخطط لها مخده او اي شي المهم قطعه وحده
شوفوا هالورق زووووووووووغه اذا حصلت منه بخبركم اذا مادهنت موف فاتح
وفي تكملة للموضوع وتعطوني رايكم ويارب اكون ساعدت بعد خواتي اللي يبحثون مثلي
عشان لما اروح اشتري اكون حاطة الفكرة والترتيب براسي وشنو محتاجة ماراح اخذ شي مو بحاجة حتى لو عمستوى شرشف اهم شي التخطيط والكتابه ومن بعدها التنفيذ
يالا ابي تشجيع اوريكم كل اللي ابيه ببيتي اليديد من افكار جهنمية :eh_s(9):
