قصه ولادتي بولدي حبيبي

مساء الخير بنات اليوم راح اكتبلكم قصه ولادتي

طبعا انه من دخلت التاسع قالي الدكتور ان قياسات البيبي موقاعده اتزيد وعطاني مراجعه كل اسبوع عشان ايشوف اذا كبر والالا ييتله باخر مراجعه شاف ان البيبي موقاعد يكبر قالي لازم اولدج لان البيبي خلاص مامنه فايده من القعده ابطنج
المهم قالي تعاليلي بيوم خفارتي وغطاني حبه قالي راح اتييبلج الطلق اخذي بس نصها
واذا مافاد حطي نصها الثاني كتحميله
انه خذيتها الساعه 8 ونص الصبح وبدا عوار الطلق عقب ساعه الا ربع لمن حسيت ان كل دقيقتين اييني العوار قعدت ريلي ورحنا الطبيب
سوولي دخول وتخطيط للبيبي وكنت 4 سم
وقالي احس حزه ييتي فيها وكانت الساعخ 12 الظهر
هلصت تخطيط ياني دكتور التخدير ودخلونب الولاده وعطوني الابره
عقبها خدرت وماكنت احس ابشي لي الساعه 4 حسيت ابطلق مووووطبيعي بطني مخدر وريولي مخدره
بس المنطقه اللي بالي بالكم لااااا عوااااار موصج
قالتلي الممرضه تو الناس عليج واذا يالج قوي قوليلي قتلها موقادره زيدوا التخدير قالتلي اوكي وزاده
بس ماكو فايده ليمن قالتلي خلا اقايسج
والا بدخله الممرضه المسؤوله والا اتقولها she is full
يماااااا اهني ماكنت قادره اتحمل
وقالتلي لاتدفعين نطري قتلها مااااقدر ابسرعه الدكتور ويالي والا ايقول ابسرعه الراس بيطلع
المهم والراس مبين بي كنت مسويه تجميل بالولاده اللي قبل
ماقدر الراس يطلع جان ايشقني الدكتور واهو معصب وايقولي انتوا شتسوون بعمركم جذي الراس مايطلع والسبه التضييج
وانه ودي ازنطه لان حددده مو وقته
امبي اطلعت رووووحي وانه اصارخ من الالم والراس موراضي يطلع
واسمع الدكتور ايقول اشلون قاعده اتحس المفروض ماتحس بهذا كله
تخيلوا ان حسبت بالشق لمن شقني
والابره واهو ايخيطني اشلون تدخل وتطلع وانه اصارخ وعطاني مسكنات وانه ما اتخدر
مع اني ما اشرب لاقهوه ولاشاي وولا منبهات
ومستغربه ان بس بطني وريلي مخدرين حدهم الا تحت كل شي حسيته
ليمن ماطلع ولدي حبيبي اهني جنه احد صاب علي ماي بارد
وطلعوا المشيمه
هذا بختصار قصه ولادتي اللي مت وحييت فيها اصعب ولاده بالنسبه لي جربت قبلها 2
ماحسيت بكثر هذي بس الف الحمدلله اهم شي ان قمنا بالسلامه انه والبيبي

بس حبيت اقولكم
ان مفعول الحبه موووووووصج اللي عطاني اياها للطلق احسن بوايد من الطلق الصناعي


بغيت اسالكم انه ميته من العوار من الخياط ما اقدر ارضع ولدي وولا اقوم وولا اقعد كللللش
ابي حل عوااار موطبيعي
استخدم بيتادين الرش وصابون طبي
بس ابي شي ايريحني

واليوم يبت الرداده ليندا واااايد ارتحت من بعد ماراحت صج وقتها حسيتها عاديه بس لمن سوتلي الكاسات
وسوتلي مساج حسيت ما ابي اقوم من الفراش
واليوم لي السابع
برايكم متى اييبها بعد؟
وعندكم ارقام ردادات زينين مجربينهم شخصيا؟