للي عندها تجربة بناية في دولة الامارات العربية المتحدة

السلام عليكم خطرت ببالي فكرة اني اشتري بناية استثمارية بدولة الامارات العربية المتحدة بناية صغيرة و عيني على إمارة الشارقة (الظاهر لان شيخهم دين فقلبي انشرح لهالإمارة ) بحدود مليون و نصف درهم طبعا انا من الكويت و اطلعت على بعض اعلانات و لقيت ان متوفر بنايات بهالمبلغ و بدخل عشر بالمية بالسنة بس ما ادري اقدم على هالخطوة ولا لا فإذا في اخت او وحده زوجها يعني كويتي و عنده بناية بالامارات شنو السلبيات والايجابيات و هل تشجعني على هالفكره ولا لا و هل في صعبة انك تلقىن مؤجرين للشقق يعني هل في صعوبة للتأجير الشقق ؟ بمعنى اخر اخاف تطيح البناية بجبدي و ما استفيد منها و هل في هناك مكاتب ممكن اهم يقبضون الاجارات و يشوفون طلبات البناية و ياخذون نسبة و يبعثون لي الايراد؟ و هل في ضريبة بالامارات على الخليجيين بصفة خاصة على البنايات ؟ و احد الدلالين الامارتيين اللي لقيته حاط اعلان بعثت له ايميل علشان يعطيني فكرة عن البنايات اللي متوفره عنده نصحني اني اشتري بإمارة عجمان لان عجمان بطريقها للتنمية نفس دبي هل هذا صحيح ؟ و شكرا