اللي بالها وسيع و عندها صدر رحب تقرا كلامي ..

مساء زي الفل و العسل و الكب كيك

حبيباتي بناتي خواتي حفيداتي


بصراحة بصراحة لحد يزعل بقول كلام بس لا يسوي زعلان

لاحظت في قسم الحياة الزوجية بحكم اغلب تواجدي فيه

لما بنت تجي تشتكي من زوجها مثلا يخونها!!
او ما يقعد معاها !!! او ما يعاشرها بشكل منتظم و يبعد عنها!!!!
او مايبي عيال او تصرف عليه !!!


قبل كل شي بقول مثل يقول : ** اللي رجله بالماي مو مثل اللي رجله بالنار**


اللي اقصده اهو مثلا عندنا بنت اسمها امل زوجها علي و بنت اسمها نورة زوجها راشد
امل عاشت حياة روعة و ما انجرحت من احد و زوجها ملاك و عيوبه بسيطة و حياتها الزوجية مستقرة بفضل من رب العالمين يعني لو متزوجة واحد ثاني ار وضعها غير

و نورة حياتها كانت فيها صدمات و انسانة مجروحة و تعلمت الصبر و المثل اللي يقول خل الحياة تمشي و طنش... و زوجها عنده عيوب لكن اهي تتححمل بس بين فترة وفترة تشتكي و تفش خلقها


بس حكمة رب العالمين خلى امل تتزوج علي
و نورة تتزوج راشد

زين شيصير لو العكس؟؟؟
امل ما راح تطيق الحياة مع راشد
و نورة تعيش بجنة مع علي و يمكن ماتطيق الحياة مع علي


اللي ابي اوصل له

انتي لما تقرين عن وحدة تفضفض و تشتكي من شخص خاصة زوجها
لا تحطين شخصيتج مكانها حطي نفسج بشخصيتها..
عيشي دورها

لا تحملون الانفس ما لا تطيق
كوني حيادية بالرد و عقلانية
اغلب البنات لما وحدة قالت زوجي يخونني و يكلم بنات
اغلبهم يتكلمون كأن الحل و الربط بايدهم

اللي تقول هذي مو عيشة و اذا هذا اوله ينعاف تاليه و اوقفي وقفة جادة و اللي تقول اتركيه و واجهيه و اهي اصلا ماتدري عن الوضع اللي تعيشه البنت!!


اتمنى تحكمون عقلكم لان في بنت اعرفها قصتها و خيانة زوجها لها انتشرت بالكويت لكن من زمان
تعالو شفهم الحين والله كل نهاية فصل دراسي يروحون لندن برووووحهم حتى عيالهم مو معاهم!!
لو الصبر يجيب هالنتيجة يا سلام سلم
والله ان حياتهم تبارك الخالق الرحمن ماقدر اوصفه و تعالو شوفو بيتهامن عقب المحكر
تقولون قصر و زوجها على قولتهم قايلن بها هه هه هه


و وحدة اول ما تزوجت زوجها منهبل عليها و عقب ما جاب عيال عشق له بنت صغيرة و تزوجها!!!



الزواج مو شي مو عاجبني باي باي
لا يا امي انتم هههههه
الزواج انا اشوف ماية الرجال ينصلح؟؟ فيه رجا؟؟؟ بقلبه دين؟؟؟



ياما مغنيين و كفرة نهايتهم كانت الشهادة بالاسلام
لا تحكمون من ورا الشاشة و تحلون مشكلة بكلمة طلاق ترى يمكن البنت تصدق و الاثم عليكم

بس نسأل الله تكون النهاية الصلاح
و حد يدوم على حالة كل وحدة منكم الحين
تتذكر نفسها قبل و الحين شنو تغير فيها؟؟؟؟ للاحسن و الا للاسوأ



بنات ترى شي طبيعي تكون بحياتنا مشااااكل و بلاوي
بس الفرق تدرون شنو بهالسؤال..

هل انتي قادرة تتكيفين و تتأقلمين مع هالوضع او لا؟؟؟؟؟
كلنا عندنا عيوب و مشاكل معلقة بس هل انتي قادرة ان حياتج تمشي مع وجود هالمشاكل و ما تاثر؟؟


و شكرا على طولة البال ....
لا تستهينون باي كلام ينقال من البنات حتى لو كانت تقول فلم من خيالها بس اللي تتطنز او تكابر كأنها هالشي مستحيل يصيبها خلتذكر ربها و تحمده انها ماصارت لها هالمشاكل