المصباح السحري موضوع للفضفضه

اشلونكم بنات وشخباركم
كلنا عندنا امنيات يمكن لو نعددها ماتخلص وااايد امنيات ومو قادرين نحصلها
مادري في تفكير يطري على بالي مايطري على بالكم ؟
عصى سحريه او مصباح سحري يقول شبيك لبيك الجني بين اديك اطلب واتمنى
واااااااااااي جان زين
على الاقل بالاشياء الماديه
واااي لو انا جان اطلب مليون دينار وبيت باسمي وطياره خاصه
على الاقل الفلوس والبيت والسفر يهونون عليي مشاكلي
لان انا الماده من ضمن مشاكلي ومو بيدي صارت لي ظروف عفست حياتي فوق تحت

افكر لو عندي المصباح واقول له ابي مليون واييني المليون بنفس اللحظه وااااي جان زين
جان ما اخلي شي بخاطري اتصدق بمبلغ منهم للمحتاجين والباجي اونس نفسي فيهم
او اقول له ابي بيت واييني البيت بنفس اللحظه

اهو موضوع للفضفضه لا اكثر ولا اقل

طبعا احنا املنا بالله كبير والحمدلله مو مخليين الصلاه والدعاء والاستغفار
والله كريم املنا بربنا ان يحقق لنا امنياتنا
بس احيانا في امنيات تبينها بنفس اللحظه تييج
مثلا تكونين مديونه او مفلسه محتاجه مبلغ كبير يسدج
وتتمنين بوجود هالعصا السحريه او المصباح
في شغلات نحتاجها بنفس الحظه

مادري حابه اسمع فضفضتكم