السلام عليكم ورحمة الله وبركاته
اخوي اخذ موعد عند الدكتور بهزاد فروخي وهو ناوي يسوي عملية تجميل انف هو خشمه طويل عربي ووجه طويل بس فيه انحراف ويبيله نحت لانه فيه عظمه زايده انا منزله الموضوع من قبل البنات ما قصروا قالوا لا تسير ايران لانهم يصغرون الانف بزياده ونصحوني اخليه يسير لبنان عند الدكتور مكرم ابي فاضل وادوارد عبد الغني او قطر عند الدكتور حمد الجابر لانه العلاقات بين الامارات وايران مو متزنه ومنها مشاكل الفيزا ابي نصيحتكم بنات عفية: يسير عند الدكتور بهزاد فروخي او يروح عند دكتور عربي لخشم العربي الطويل منو الدكتور اللي تشوفونه زين لبنان وايران ومصر الحين تخوف الواحد يروح لها الحين اهو حجز موعد مع الدكتور بهزاد فروخي وقال خشمك يبيله عملية بس هو خايف حيل لانه الصور الي في موقعه ويوهم مدوره وصغيره ويمكن ما يناسب الوجه الطويل والخشم الطويل العربي
بنات عفية ابي مساعدتكم ومشاركاتكم
لانه في بنات وايد في المنتدى يبون الدكتور بهزاد فروخي
اخوي خشمه حلو من قدام ماشاء الله مع انه في انحراف خفيف ما يبين اللى اذا ركزتي
بس من ع الجنب فيه عظمه مخربته ومؤثره فيه نفسيا وهو راسه يابس يبي يسوي العمليه يبيها مهما كان
بنات ابي مساعدتكم عفية بسرعه لانه ماشي وقت وهو الشهر الياي محرك
هو قالي يبي خشم مستقيم بدون عظم مو مرفوع وايد فقط لا غير لانه بيعرس قريب
لاني خايفه عليه شخصيا يروح ايران
منتظره ردودكم
