علاج الليزر والميزوثيرابي للوجه عجيييييييب
هلا بنوتات شلونكم:hjy5jewf:
بخبركم عن تجربتي بالليزر والميزوثيرابي حق الويه :eh_s(7):
كان عندي ندبات واثار حب شباب ومسامات مفتوحه بويهي وطبعا مسببينلي ازعاج فرحت على مستشفى دار الشفاء عند دكتورة باكستانية اسمها نور جيهان بقسم الجلدية يقولون عنها حيييييل شاطره ورفيجتي مسويه عندها وويهها صاير يجننننن مشاءالله ،
شافت اول شيء بشرتي وقالتلي يبيلك من3 ل4 جلسات بمعدل جلسة كل شهرليزر وبعدها نسوي من 3 ل 4 جلسات ميزوثيرابي . الحين خلصت جلسات الليزر وبلجت اول جلسه ميزوثيرابي الاسبوع الي طاف ، بنات المسامات تسكرت نسبيا والندبات راحت بالليزر وبشرة نامشاءالله ويهي صاير يلمع ونضارة واشراق من اول جلسة ميزوثيرابي وحاسه بشرتي صارت ناعمه :eh_s(2): وصرت أقدر أطلع بدون فاوندايشن بس أحط كونسيلر تحت عيوني وأطلع بكل ثقه . والله ان هالدكتوره حيييييل شاطره ونفسيتها حلوه ومو بمادية بالمره وارتحتلها اكثر عقب ماشفت ويهي شلون صار الحمداللللللله واي سؤال انا حاضره:eh_s(8):
