الكوري سيبقى بإذن الله

:yes: والله من اول مباراة له مع الهلال بالبطولة الودية وانا اقول انه مكسب للهلال, ياناس اللاعب قروشة بحركته يمين ويسار وضغط على دفاع الخصم ويصنع لنفسه اهداف صحيح كان يضيع الفرص بس بدا بتقوية نقطة الضعف هذه, ولاننسى انه ما أخذ فرصته الكافيه اغلب الموسم كان احتياطي للعربي وهذا بحد ذاته يضعف حساسية المهاجم ويحتاج لوقت للعودة, وما أن بدا باللعب اساسي رأينا كيف ابدع.
واللي يعجبني بالكوري ان وقت الحسم والمباريات المفصلية والكلاسيكو يظهر, منها مباراتي النصر بالديربي الاربعة والثلاثة, نصف نهائي ولي العهد ضد الاتحاد, الاهلي الاربعة بالدوري, دوري أبطال آسيا ضد الشباب الاماراتي بدبي والغرافة بالرياض واليوم ضد بني ياس.
هذا اللي يحضرني الان ولا بالتأكيد اني نسيت له مباريات ابدع وفرق فيها بالرغم (أعيد وأكرر) أنه طوال الموسم مو أساسي.
وقبل موسمين من الان كنا نتحدث وين المهاجم الفارق في المباريات الحساسة واللي نبغاه فيها؟؟؟؟؟؟؟؟؟ هذا هو الكوري لا يظهر الا بالحسم وصغير بالسن وحماسي وآسيوي ( لاياخذ مكان أجنبي حر) وليش المجازفة باجنبي ونحن نعلم ان اللاعب الاجنبي صعب جدا ان ينجح بالسعودية حتى لو كان بسعر عالي.

نلتقي بالنهائي بإذن الله.