ميني بسبوسة لذيذة بالصور

السلام عليكم

شلونكم؟؟

امس سويت بسبوسة ماخذه طريقتها من عمتي الغالية وبسميها بسبوسة عمتي:p



اول شوفوا الصور


http://i.imgur.com/W8LeU.jpg



http://i.imgur.com/PVqCG.jpg


بسبوسة عمتي
⚡⚡⚡⚡⚡⚡⚡⚡
المقادير:
=======
القياس(قلاص جبن)
سميد
حليب بودر
جوز الهند
شكر
روب
2/1 ماي~مخلوط بهيل وزعفران~
3/4 زيت


الطريقة:
=======

نخلط الحليب مع السميد والشكر وجوز الهند وعقب نحط عليهم الروب والماي والزيت ونخلطهم ونحطهم بالقوالب وبالفرن لما تتحمر .

عقب نمسح بالفرشة على كل وحده بشيرة

ملاحظة: الحليب حمسته لما تحمر من جذي تشوفون لونها غامج اشوي بس بالطريقة الاصلية ما ينحمس بس انا احب اغير والحليب المحموس يعني نكهة قوية بس هالشي اختياري.

والشيرة طريقتها وايد سهلة كل كوبين شكر عليهم كوب ماي ونص عصير ليمونة وزعفران وهيل نخلطهم لما يذوب الشكر وعقب ما يذوب نخليه على نار هادية لمدة ربع ساعة بالضبط ونسكر النار وتحصلون جذي على احلى شيرة.

ويفضل تتزين بفستق او لوز مبشور بس ما كان عندي


وبالعافية

اختكم: دموع الكويت