سمعتوا عن الخطاب العاهات بس سمعتوا عن المخطوبات العاهات

السلام عليكم ورحمة الله وبركاته

طبعا يمكن اغلبكم قرا موضوع الخطاب العاهات والتحف


بس اكيد مر علينا او سمعنا مواقف عن المخطووبه التحفه وتحف اهلها

وخلونا نذكر هالمواقف عشان الواحد يتجنب هالاشياء


في واحد من جماعتنا راح يخطب اول شي دقوا ياخذون موعد عشان يشوفون البنت

طبعا ام العروس قالت بناتي عندهم امتحانات لما يخلصون اعطيكم خبر عشان تييون

وللعلم العروس تشتغل بس خواتها اللي عندهم امتحانات مادري شعلاقته بالامتحانات

خو كلها ساعه بيشوفون العروس ويطلعون !! ولما خلصو امتحانات قالت صبروا علينا

نسال عنكم وخذت شهر وللحين اهل المعرس ماشافوا البنت

وطبعا بين كل خطوه وخطوه شهر :eh_s(10): وعلقو اهل المعرس لين اخر شي رفضوهم
:eh_s(1):

الموقف حده بايخ وفي عدم احترام للناس اللي يايينكم يطلبون بنتكم من الاول رافضين ماله داعي تعلقونهم معاكم 4 شهور



وثاني موقف وحده تدور لاخوها المهم راحوا اهل المعرس يشوفنها جان يقولون اهل العروس وين المعرس ليش ماجا معاكم

قالت لها عوايدنا اول شي اهل المعرس يشوفون واذا عجبتهم البنت يجي المعرس ويشوف قالت لا دقوا عليه الحين خل يجي ولا شوفونا صورته وشافوه بالصوره

ثاني يووم دقت ام البنت وقالت لهم انهم مو موافقين لكن بنت عمها راح توافق لو تتقدمون لهم

المفروض كل عايله تحترم عادات وتقاليد العايله الثانيه جان من الاول سالتوهم او بلغتوهمان المعرس يكون موجود معاهم


وبعد موقف ناس حددوا وقت الشوفه بعد صلاة المغرب ايي المعرس يشوف خطيبته

جان اتدق ام العروس الصبح بنفس اليوم وتقول تعالو الساعه 4

لان انا معزومه على استقبال وبرووح

انا اشوف الموقف بايخ اوكي معزومه على استقبال ياتروحين شوي متاخر او من الاول تحددين موعد ثاني مو تييبن الناس العصر بهالحر :eh_s(4)::eh_s(4):


ومره رفجيتي تسولف لي انهم رايحين يشوفون لحماها (اخو زوجها)

ويوم راحوا وسالو عن البنت وينها قالو تعبانه ماتقدر تنزل شوفها بالصور :nocommint:


يلاااا باجي المواقف عليييييكم اتحفونا :eh_s(7)::eh_s(7):