أخوي مسافر على ايران ان شاء الله الشهر الياي.... الرجاء الدخول

أول شي أحب أهنيكم على الاجازه اليايه وان شاء الله تتهنون فيها


أول شي انا وحده وكاتبه الموضوع بلسان اخوي بغرض اني افيده وانا شخصياخايفه عليه لانه هو خلاص مصر انه يسافر ومب قادره اني اقنعه ولا الوالده بعد وانا مسافره ويا الاهل بنسير مصر بنتمشى الشهر الياي.


طبعا الكلام اللي تحت مكتوب من اخوي شخصيا:-


انا من الامارات و عندي مشكله في انفي من زمان ومعقددتني نفسيا ( عيب خلقي) وطبعا سرت عند كم دكتور في الاماراتبصراحه همهم الفلوس والمشكله ما عندهم صور لعملياتهم يعني الواحد يخاف يسوي خشمهعند الدكاتره اللي في الامارات وبدول الخليج بشكل عام وسرت عند دكتور ( مازن توفيق الجنابي ) قالي ما عندي صور ( وعنده بس صورتين في الموقع فرحان فيهم ) واسلوبه مب راقي ... ورشني 25 الف درهم بدون ما يعرف شو الموضوع وقالي ( بيعجبك بيعجبك ) كنه بيسوي خشمي على مزاجه ( اهم شي ترا الاسلوب واسلوب الدكتور في التعامل بحيث يخليك تكون مرتاحله ) ، وانا دخلت باسلوب حلو عنده و كنت اقدر اكلمه باسلوب وقـح السموحهعلى التعبير شراته بس انا المحتاج ، وغيرهم وغيرهم دكاتره يعني الكل طموحه الفلوس وشغلهم مب شي صورتين ويمشي.

المهم نكمل موضوعنا ،صارلي سنتين وانا مداوم والحين خلاص قررت اسوي العملية لانه العمر يمشي واذا مابانسويها الحين ، الله اعلم متى بنسويها ، دورت في مواقع وايده لدكاتره في العالموقلت ابي شي قريب واكثر المواقع اللي تطلعلي لدكاتره من ايران ، فقررت اسوي في ( ايران ) لانها معروفه في مثل هذه العمليات ومن لطفي زاده ، محمد نعيمي ، الخ شفت مواقع اغلب الدكاتره الايرانين وبصراحه الكل ما عليهم كلام بس ( بهزاد فروخي ) الصوراللي حاطنهم في موقعه جدا روعه وقررت اسوي عنده


المهم راسلت الدكتور وطرشت صور حق خشمي وقالي بالفعل خشمك يباله عمليه ،وحددلي السعر وقلتله ان شاء الله الشهر الياي محرك عندك ، طبعاً الدكتور مابيقوليهذا من فراغ ، الصور بالفعل تبين انه خشمي يبيله عمليه وانا عارف ها الشي، المهم كلمت الوالده بخصوص هذا الموضوع فهي رفضت الفكره ، بس انا كنت مصمم وشديت عليها لانه عن جد ( اذا ما سويناها الحين متى بنسويها العمر يمشي وانا معزم على الاخر حتى لو كان اخر شي اسويه في حياتي لانه خلاص راسي يابس وانا مقبل على زواج وبغيت انهي ها الموضوع بسرعه )


طبعا انا ما بي احد يعرف اني مسوي خشمي شرات اي احد ثاني ، فما خبرت احد فيالسالفه ولا ربعي ما بيقصرون ويايه وبيوون ويايه لايران بس ابيها بدون محد يعرفمثل اي احد ثاني ، فما كلمت احد بخصوص السفره الا الوالده واختي، طبعا الوالد ماكلمته في الموضوع لانه بيشوتني فنقر من البيت ـ ، بس ان شاء الله بعد ما اسويها حتى لو عرف مايقدر يستغنى عن ولده مثل اي والد ثاني


الحين نيجي للشي الاهم اللي هو السفره لي ايران ، انا كلمت ربعي بخصوصالسفره لايران بغرض ( السياحه ) وليس العلاج ، وانتم تعرفون العلاقات الغير متزنه بين شعبالامارات وشعب ايران بخصوص ( الجزر الثلاث ) ومنها قضيه ( السني والشيعي ) ، بخصوصالجزر الثلاث في زياره من رئيس الوزراء الايراني لاحد الجزر اللي زادت من العلاقهالغير متزنه بين البلدين وهاي من شهرين الزياره ، يعني العلاقات الحين تصعبت زياده، واحد من ربعي خوفني بصراحه وقالي من يوم تنزل في المطار ويعرفون انك اماراتي يراقبوك ويراقبون تحركاتك ، وواحد ثاني قالي امن الدوله ( للامارات) يوم ترجع من السفره يمكن يمسكوك ويستجوبوك وطبعا انا غرضي ( العلاج ) بس الواحد ما يعرف بعد والسفره بروحك تخوف

المشكله الحين اني خلاص مقرر ومعزم والله ماشي رجعه خلاص حجزت التذكره الشهر الياي على طهران ( الدكتور بهزاد فروخي ) تاريخ 20 يونيو ، والتذكره ما تنرد ، بس بما اني مب مخاوي اي احد لانه مابي احد يعرف وبما اني بروحي فالاموراحسها صعبه ولازم انخاوي احد


فاي بنيه من الامارات او اي واحد يبي يسويها في ايران ويبي يخاويني حياه الله ، انا قاعد شهر ان شاء الله طبعا ليش شهر؟ علشان يخف الورم بحيث انه الواحد يوميرجع البلاد يكون الورم اخف ، طبعا ها الشهر منها سياحه في مناطق وايد حلوة في الشمال وبارده حتى ادخلو على موقع عماني للسياحة في قوقل بتحصلون بتشوفون شو الاماكن الروعه في الشمال وايران من اجمل المناطق للسياحة


وبالنسبة للبنات ، انا غرضي اني اتعالج من مشكلة انفي واللي تبي تخاويني مخاواة سفره لا اكثر ولا اقل وغرضي اني اتعالج لا اكثر ولا اقل ، فاي بنيه تبي تخاويني ما تتردد لاني عن جد محتاج لهاي العملية وانا عارف انه غيري من البنات والشباب محتايين هاالشي ،


اتريا ردودكم ان شاء الله واتمنى انه في شباب وبنات متحمسين يسوون العملية شراتي .. ويخبروني ونسير رباعه.

والسموحه منكم اذا طولت... بس اللي في قلبي وطلعته