خطة نزول السوق ورفع السوق وانتم لاتعلمون

السلام عليكم ورحمة الله وبركاته

أخواني واعزائي ,, اعود اليكم بموضوع سريع ومهم جدأ وان شاء الله يستفيد منه جميع المسلمين باذن الله

وهو الخطه السحريه والخلطه الاحترافيه للهوامير وصناديق الاستثمار في رفع ونزول سوق الاسهم وضرب المتداولين الصغار اصحاب رؤس الاموال الصغيرهـ

والهدف منها ( دخولكم للسهم بعد الارتفاع وبيعكم باسعار عاليه وخروجكم من السهم بدون ملاحظتكم والغدر في محافضكم )

الطريقه هي كالتالي وباذن الله تفهمونها وتستفيدون ,, اذا فهمت الطريقه ,, صدقني بتتحسن المضاربه لديك والتوقيت الذكي للدخول والخروج بدون العودة ولا متابعه التحلليل الفني المزري ولا متابعه التوصيات الوهميه , وسوف تعتمد على الله ثم على نفسك باذن الله


ــــــــــــــــــــ
باطبق الشرح على الى حصل خلال هذا الشهر لما كان السوق 7800 الى ماوصل الى 6.950 كل يوم تتطبق هذي الطريقه

طبعا هم يعرفون ان صغار المتداولين واصحاب الخبرة القليله انهم يدخلون السوق ويخرجون بناء على متابعه المنتديات والتوصيات ومتابعه الموشر مع المحللين الفنين ,,

وربطو قلوب وعقول الناس بالمؤشر وايهامهم بان البيع والشراء يتم من خلال اختراق نقاط معينه بحيث يستطيعون تحريك القطيع با اكمله من خلال حركات وهميه


أولا، كيف تم ضرب الاسهم واسعارها وبعضها نزلت الى 10 ريال بدون مايحس الانسان الى وهو خاسر نص ماله

انزال الموشر على دفعات خفيفه مده اسبوعين كل يوم ينزل 20 نقطه ويطلع عشرين نقطه ,, حينها تبقى حائراً بين الشراء والبيع وتضل ترتجف امام الشاشه ويصيبيك الصرع

قبل انزال المؤشر ,,, سابك + الراجحي + سامبا + ينساب + والشركات القيادية التي باي حركه منها يرفع الموشر او ينخفض بنقاط كثيرة تتعدى الخمسين نقطه فقط لهذه الاسهم

تثبيت هذا الشركات وتشاهد الشركات الخشاش والمضاربيه تخسر من ريال الى 4 ريال في النزول وهذا الشركات القيادية ثابته ,,,, ورغم هذا الموشر لم يهبط الى 40 نقطه في حين لو تم انزال هذا الشركات سوف ينزل قرابه 200 نقطه وعندها سوف يتم البيع الجائر لجميع القطيع

تثبيت الموشر بهذا الشركات ,, ومن ثم الذهاب للشركات المضاربيه وضرب جميع من فيها ,, والمتدولين الابرياء يقولون لك ((( لا ماعليك الموشر اذا ماكسر مثلا 7750 لاتبيع اذا كسر اشتري والخرطي هذا )

وانت مسكين تتابع الموشر ,, وشركتك الى مشتري فيها نزلت عشره ريال ,, و و و و وو و كل الشركات الخراطه

وخلال اسبوعين ترى ان السوق فعلياً 70 بالميه من الاسهم انخفضت بمعدل 10 الى 15 بالميه والموشر والشركات القيادية لم تنخفض الى قليل

بعد الاسبوعين خلاص نزلو الشركات وسحبو فلوس الناس ونزلو الاسهم وخسروكم ,,, يجون للمرحلة الثانيه انزال الموشر ,,, وانتم خلال الاسبوعين تقولون تعديل وتجميع الموشر بيرتد وناس كثير من نزل من 7800 الى 7000 وهم

يوهمونكم بالتحليل الفني الكاذب انه اذا كسر كذا لايمكن ينزل وراح يرتد 400 نقطه واذا كسر كذا راح وانتم معهم لاكن ((( لاتعلمون خفايا ونيه صناع السوق الحقيقه )) ولا المحللين الفنين يعلمون ان شاء الله انهم مجتهدين


بعدها يتم انزل سابك وكلنا شاهدنا هذا السيناريو بانفسنا تم انزال سابك والشركات القيادية بعد اسبوعين من نسف الشركات الصغيره وايهام المتداولين باذن السوق بخير وسوف يتم الارتداد


تم نسف الموشر خلال يوم ويومين وبشكل سريع الى تقريبا 7200 ومن ثم البدء في عمليه ايهام الناس مره اخرى بطلوع المؤشر والاترداد وفيه ناس كثير اشترت

مره ثانيه نفس السينايرو ,,, خفسو بالشركات المضاربيه مره اخرى نزول نزول لدرجة اكثر الاخوان هنا يقول وصلت خسارتي ؟ 50 بالميه وهو للحين يتفرج بالموشر الكاذب

ومررره ثانيه لما خلصو نزلو سابك والشركات الاخرى الى وصلو سابك 93 من 103 بدون ماتحسون والى الاسبوع الماضي وصل الى 6900 وشوي


ـــــــــــــــــــــــــ ــــــــ طريقه الشرح محتاسه شوي لاني اكتب بسرعه ماعندي وقت بالعمل لاكن الله يشهد جت على بالي ماودي افوتها عليكم ـــــــــــــــــــــــــ ونفس الوقت دخلت شفت السوق حلو وعرفت الحركه ,,



نزلت لكم يوم السوق 7800 وقلت علقوكم الرجاجيل وفعلاً علقوكم ونزلوه الى الى نزل عليه لاتحليل فني نجح في اي توقع للارتداد وكل يوم ينزل ميه ويقولو الارتداد منه

السوق يحتاج الى فطنه وتركيز وفهم أساسياته ,,,, في النهايه سوق الاسهم تجاره ,,, يمكن تفتح بقاله ماتفلح فيها ... خلال خمس سنين يعني لاتتوقع انك بتسير مليونير خلال يومين في الاسهم

++ لان الناس ماتشتري والموشر كذا لا .؟ ينتظره يشوفه طالع 200 نقطه عشان يقرر يدخل ,, مايدري انهم منزلين سابك والراجحي ومخلين الموشر احمر خفيف وجالسين يطلعون الشركات المضاربيه نسب ++


ـــــــــــــــــــــــــ ـــــ السيناريو الثاني الى هو رفع السوق بدون ماتستفيدون من الارتفاع لانكم توكم ذايقين مر الخساره وكنت شارين مثلا سهم بسعر 20 وخلوكم تبيعون بسعر 15 صدقوني ماراح يخلونكم تشترون مره ثانيه ب 16 ,,, بعد ما خوفوكم وحرقو قلوبكم بالخساير ,,, في الطلوع راح يخلونكم تشترون السهم بـ 22 مو بس 20 زي اول ــــــــــــــــــــــ


الشــرح


نفس طريقه النزول ,,,, لو تلاحضون من السبت اكثر الاسهم ارتدت وفيه بعضها وصلت لسعر معين وثبتت عليه مثال زين اخر شئ الربوع الى راح 8.50 ومن السبت 9 ولليوم مانزلت عن 8.80 واذا نزلت بسرعه يمسكونها

والحين شوفو بكم ؟ 70 هلله في زين ماهي بسيطه ؟ خلال يومين مكسب طيب قولو لي متى بتجي فرصه ثانيه يخلونك تشتري ب 8.50 ؟ وهو قبل فتره سجل 11


الان يشترون من جديد في الاسهم المضاربيه باسعار رخيصه ويجمعون بدون ماتحسون (((( لانكم خايفين تقولون الموشر يمكن ينزل 5000 الاف ))) لانهم محافضين على اسعار سابك والراجحي وسامبا وباقي الشركات الى تتحكم بقوة في حركة الموشر

والاسهم الصغيره والخشاش ,,, برفعونها الى ماتوصل لسعرها قبل شهر وكل سهم يرتفع 5 ريال و 4 ريال وانت جالس تراقب محلل فني يقول لك اذا وصل واذا الدعم حقه كسر كذا بيطلع كذا

وتروح عليك الفرص ,,, ماتدري الى اسعار الاسهم نفس الاسعار يوم كان الموشر 7800 ,, وخلال يومين بس ترا بسيطه او ثلاث ايام

يرفعون سابك الى 100 والراجحي 4 ريال وسامبا ,, وو وو ,,,, وخلال يومين تلاقي الموشر 7800 ,,,, وانت لا شريت ياحبيبي ولا شئ جالس تتفرج ويعورك قلبك واسبوعين مفضى حرتك بالعيال جلد بالعقال ,,, واخرتها رايح تدور جن في مستشفى عرقه

((( يوم الربوع قلت السوق شراء شراء شراء ,,, ودخول ,, لاكن ,, الفرص كثيره والله يوفقكم يارب ويرزقكم من حيث لاتعلمون

ــــــــــــــــ

اخواني سامحوني ,, انا ماني صحفى ولا انسان محترف لكي اتخاطب معكم باسلوب مرتب وتنسقيات اعرف كتابتي حوسه ومتناثره لاكن اكتب بسرعه البرق وكل تفكيري في الفائده لكم فقط



تحياتي ,, لكم ,,, وبالتوفيق وقبل الختام استاذن ابو محمد 2005 بنشر الرساله الخاصه بيني وبينه خلال اسبوعين الماضيه ,,,

فقط لكي اثبت لكم ,, قوة الصبر وقوة الارادة ,,, والقدرة على العيش في هذا البحر الكبير الغدار الملئ بالقروش والهوامير ,,, لاتصبح سمكه بل اطمح لكي تكون قبطان سفينه قادار على مواجهه الامواج العتيده ...,,


اقتباس:
المشاركة الأصلية كتبت بواسطة الجني الاخضر
اقتباس:
المشاركة الأصلية كتبت بواسطة أبو محمد 2005
اقتباس:
المشاركة الأصلية كتبت بواسطة الجني الاخضر
اقتباس:
المشاركة الأصلية كتبت بواسطة أبو محمد 2005
اقتباس:
المشاركة الأصلية كتبت بواسطة الجني الاخضر
اقتباس:
المشاركة الأصلية كتبت بواسطة أبو محمد 2005
عندي زواج للولد بعد شهرين وأقساط شهرية وفلوسي في الشرقية الزراعية من 10 أيام بسعر 56 ريال وسعره الآن 49 ريال هل تنصحني أصبر والا إبيع إذا كان عندك سهم تشوف انه بيفيدني ومالك إلا الدعاء كلما ذكرتك { لو ماني مضطر وخسران والله ماراسلتك }



الف مبروك يابو محمد الله يوفقه ان شاء الله ويرزقه الذريه الصالحه زين ماسوى

لا ماعليك الشرقيه الزراعيه اذا ارتد السوق بترجع لسعر مشتراك بيوم او يومين ماعليك خليك يابو محمد لازم ترجع الشرقيه لاتبيع بخساره



الله يجزاك خير ويرفع قدرك

وإذا وصلك معلومة وانا اخوك لا تنسانا




مبروك ابو محمد ها وش رايك ههههههههه والله اني فرحان لك ماعليك مضارب الشرقيه نجس بس يعجبك يرد السهم على طول خله لاتبيعه لو عندك سيوله عدل سعر مشتراك

بالتوفيق لك يارب ,,



الله يحفظك ويجزاك خير

مافيه والله فلوس للتعديل من القرادة شريت لها كلها


كم الهدف اللي نبيع عنده

اعذرني ازعجتك



ألف مبروك يابو محمد والله يبارك لك في ولدك ويوفقه ,, اللهم لك الحمد الشرقيه الزراعيه اليوم سجلت 55 قايل لك الحلال مايروح بس الصبر
وباذن الله تتعدى سعر مشتراك وتبيع ربحان




ألف مبروك يابو محمد على صبرك ,, لاسترجاع راس مالك من كــرش الحــوت ,, وبمكسب ان شاء الله



تحياتي للجميع ,, كان هنا ,, الجني الاخضر , ابو فهد ,