شفت أبويـه المتوفي ، حي . .
السلام عليكم و رحمة اللـه و بركآته . .
الله يجزيكم في البدآيه كل خير على هالجهود الطيبه
الله يجعل كل حلم اتفسرونه في موازين حسناتكم يـآ رب :)
،
نرجع للحلم . .
الله يسلمكم انا اليوم حلمت انه أبويه المتوفي حي . .
أبويه في الواقع متوفي من 8 سنوات تقريباً . .
كأنه رجع لنـآ ، و كـآن لابس كندورة بيضـآ و غترة بيضـآ ( اللبس الخليجي المعتاد و لبسه أيضاً المعتاد ). .
طبعاً هو توفى و عمره بالثلاثين ،
ف بالحلم كـآن شاب يعني :) ، نفس ويهه بالواقع قبل لا يتوفى و أكثر شباباً ،
و كـآن عادي يعني ، عآيش و مكمل حيآته و يبـآ يطلعنـآ و يكشتنـآ و يعوضنآ عن الي رآح ،
و علاقته مع اميه بالحلم كـانت وايد زينه ، مع العلم اميه بالواقع اتزوجت عقبه و اتطلقت ،
و علاقتهم قبل وفاته ، كانت زينه لكن فيها توتر بسيط . .
كنت بالحلم أفكر ، أقول يـآ ربي هو مب زعلان لانه اتزوجت عقبه ؟
بس كـآن عادي مب زعلان منها :) ، كأنه مقدر زواجها عقبـه ،
شي ناس بالحلم ، مب قادرة أتذكرهم قالوا لي ، أبوج كيف رجع ؟؟
قلت لهم انا دآيماً أحلمه يقولي انا حـي ، انـآ مآ مت . .
،
هالنوعية من الأحلام مب أول مره أحلمهآ
وآيد أحلم انه أبويه رجع لنا و انه مآ كـآن ميت أصلاً . .
الله يجزاكم كل خير ، فسرولي الحلم . .
،
انـآ مب متزوجه ، و طالبـه جآمعيه :)
نفسيتي قبل النوم كـآنت عآدي جداً . .
ووضعي الديني ، جيد و لكن فيه نوع من التقصير ، و الله يهدي اليميع :)
ملاحظة / طليق امي الثاني كـآن خآل ابويه الله يرحمه . .
و مشكورين مقدماً :)
