المشاركة الأصلية كتبت بواسطة فهد الروقي
للشاعر الكبير بركات الشريف
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مشكور أخ فهد على هذا النقل الجميل
راح أفيدك وأفيد الأخوان بالمنتدى وأضيف بعض الأبيات المفقودة ولا توجد عندكثير من محبي الشعر .وتعديل بعض الأبيات لأنها لم ترد بالشكل الصحيح.
يالله ياللي كل الأمات ترجيك = ياواحدٍ ما خاب منهو ترجاك
يارب عبدٍ ما مشى في معاصيك = ولا يمشي إلا في محبتك ورضاك
يامرقب ٍ بالصبح عديت أباديك = ماواحدٍ قبلي خبرته تعلاك
وليت ياذا الدهر ماأكثر بلاويك= الله يزودنا السلامه من أتلاك
ياللي على العربان عمت شكاويك=وليت يادهر الشقا ول ماقواك
اليوم هالكانون غاد ٍ شبابيك = تلعبه الأرياح مع كل شباك
يامالك اسمع جابتي يوم بوصيك= واعرف ترى يا بوك بأمرك وأنهاك
وصيةٍ من والد ٍ طامع ٍ فيك = يسبق عظم ساقة لسانه لعلياك
أوصيك بالتقوى عسى الله يهديك = ابها وتدركها بتوفيق مولاك
الله بحق أجدادك الغر يعطيك = مرضاته مع ما تمنى من امناك
وإحفظ دبشك اللي عن الناس مغنيك= اللي ليا بان الخلل فيك يرفاك
واعلم ترى مكه ولاها بناخيك = لو تشحذه خمسة ملاليم ماأعطاك
واجعل دروب المرجله من معانيك = وادراج سيسها على العز مرقاك
لاتنسدح عنها وتبغيني أعطيك = جميع ما يكفيك ما حصله ذاك
أدب ولدك إن كان تبغيه يشفيك= واستسعفه من عقب مرباه بألاك
أما سمج واستسمجك عند شانيك =ويضيق من فعله صديقك وشرواك
وألا بعد جهله ترى هو لا بياذيك =لو زعلت أمه لا تخليه يالاك
وإحذر تضيع كل منهو ذخر فيك = معروف لاتنساه واوفه بعرفاك
ترى الجمايل بين الأجواد تشريك = وليا طمعت بغرسة ٍ لا تعداك
وإحذر سرور بغبة البحر يرميك = ما عنده أحلى من تشكيك وبكاك
وأوف الرجال حقوقها قبل تاتيك=والفعل قبل القول والحق يقفاك
وهرج النميمة والقفا لايجي فيك =وإياك عرض الغافل إياي وإياك
تبدي حديثٍ للملا فيه تشكيك = وتهيم عند الناس بالكذب واشراك
وإليا نويت إحذر تعلم بطاريك = كم واحدٍ تبغى منه عرف وأغواك
وإحذر شماتة صاحبٍ لك مصافيك = اللي ليا جاك البلا قال لولاك
ولا تحسبن الله قطوع ٍ يخليك=ولا تفرح إن الله على الخلق بداك
وان اشتهى حط الطمع في تواليك=ومما تطوله يافتى الجود يماناك
والضيف قدم له هلا حين يلفيك = وابذله المجهود لا صار يعناك
وإحذر تلق الضيف مقرن علابيك= زين قبالك والخطاطير تنصاك
وإلطف بجارك وإقف من دون عانيك =وإفطن لمايعنيك وإحزم لمعناك
وأوصيك زلات الرفيق ان عثا فيك = لا صار يسترها الشعر فإحتمل ذاك
راعه لو إنه يافتى مايراعيك = عساك تكسر نيته عن معاداك
وإحذر عدوك يافتى لو يصافيك = خلك نبيه وراقبه كل ماجاك
لا تامنه وإطلب من الله ينجيك = ويكفيك ربك شر ذولا وذولاك
عاين وأنا يابوك ناهيك ناهيك= عن التدخل بين الأثنين حذراك
وإليا حضرت طلابة ٍ مع شرابيك = ابدي لهم بالصلح واللاش يفداك
أبذل لهم بالعدل والعدل ينجيك =لا تجضع الميزان مع ذا ولاذاك
أما الشهاده فأدها وإن دعوا فيك =وبين عمود الدين لاعميت رياك
وبالك تماشي واحدٍ مايدانيك = عاين بني جنسك وفكر ببمشاك
وإختر عريبٍ فالمساري يساريك = وإن شاف خملاتك عن الناس غطاك
ثم إلعن الشيطان تراه يغويك = وترا إن تبعته في دواهيه وداك
وأوصيك لا تشكي مخفى بلاويك = وإن طعت لا تعمي عيونك بيمناك
وإعرف ترى اللي واطٍ الفهر واطيك = مأنته بأعز من الجماعه هذولاك
أرفعك ياراسي عن الذل وأعليك = وإحذر لسانك لا يفضح خفاياك
وياذيب وإن جتك الغنم في مفاليك =فا كمن لها ياذيب لاما تعداك
فيما مضى ياذيب تفرس بأياديك =واليوم جاء ذيبٍ عن الفرس عداك
ياذيب عاهدني وأعاهدك مأرميك= ماأرميك أنا ياذيب لو زان مرماك
والنفس خالف رأيها قبل ترميك = ترى لها الشيطان يرمي فالأهلاك
ومن بعد ذا لا تصحب النذل يعديك = وعن رفقة الأنذال حاشاك حاشاك
ترى النذل يابوك يخلف طواريك = وأنا أرجي إنك ماتجي دوني أباك
والهقوة إنك ماتجي دون أهاليك = ولا أظن غصن الورد يثمر بتنباك
والحر مثلك يستحي يصحب الديك = وإن صاحبه عاعا معاعاة الأدياك
من نم لك نم بك مافيه تشكيك= وليا قد زرى رفيقك وزراك
عندك حكا فينا وعندي حكا فيك = وأمسيت كارهنا وحنا كرهناك
ماأخطاك ماأصابك ولو كان راميك = اللي يصيبك لو تتقيت ماأخطاك
مير إستمع مني عسى الله يهديك = تقواك يامالك لك الله تقواك
عندي مظنه ماتمثلتها فيك = وأطلب لك التوفيق من عند مولاك[/poem]
