ضيدان انا اسمى دهام ماهوب فواز < للشاعر ضيدان بن قضعان

http://www.dmi3nabi.com/up1//uploads...057d1cdd9d.jpg



هذي القصيده للشاعر المعروف ضيدان بن منصور بن قضعان يقول شريت لي طير وسألت صاحبه
عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما
أردت ان أعشي الطير
ناديت له بأسمه الجديد فواز فواز .... فالتفت الطير على ضيدان وقال له :
ضيدان انا اسمى دهام ماهوب فواز
أما أدعني يا دهام ولا بلاشي
ما هوب حق تغير أسمي بلا أرماز
وأنا عذاب الحب لا أقبلت حاشي ....
فرد عليه ضيدان قائلاً :
لعيون بعض الناس سميت فواز
أسم يشابه لاسم صعب المناشي
اللي غلاه بثومة القلب حزاز
تقبل له طعوني وتقفي عطاشي ...
فرد الطير :
ما أرضى تسميني عليها ولا جاز
تغيير الإسم إلا بذبح الكباشي
إذبح تميمه وأقلب الإسم فواز
إذا ذبحت الكبش ما صار ماشي ...
فرد ضيدان :
قلت فواز تكفى فكني بالتلعواز
الحل عندي وأسمع العلم كاشي
لازم تشوف اللي لها القلب ينحاز
عقب (ن) تجي فواز ولا شلاشي
فردالطير :
يالله مشينا والعمر يبغي إنجاز
يا ما نجز بالهدي ولا عراشي
قم جهز اللي ذاخرينه وممتاز
...وعلي الطلاق إن عزبته من معاشي ...
وعنما وصلا الا التي سمي الطير عليها شال ضيدان البرقع عن الطير وقال له هذي اللي سميتك
عليها فقال الطير :
أنا أشهد إني يابن قضعان فواز
واني بعد فواز جاني خراشي
ياحظ قلبك يوم في حبها حاز
كحيلة ما ؟؟؟؟ كل لاشي
ياليتني رجلٍ لو أمشي بمعكاز
وأنخاك وأنخى مبعدين المعاشي
وأنهض لطيف الروح وأجلا لشيراز
وأقضي بقايا العمر ما أحتر جاشي
في شرع أبن حنبل بتأكيد ابن ؟؟؟؟
معروف راعي الحب قلبه هشاشي
وأنا لوصل ملوع الشيخ معتاز
أعوز من فراق السبوق الرواشي