مصافحه بعد انقطاع (( هل من الممكن ان يتحول الحب الى مسرحيه )) ؟؟؟؟؟
[frame="7 60"][align=center]متواضعه بين يديكم اضعها ايها الكرام
عباره عن تصوير لمسرحية حب
اتمنى ان تكون الفكره واضحه وتنال استحسانكم[/align]
[poem=font="Simplified Arabic,4,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
اليوم مرتنى من الذكرى فصول=مسرحية حب والواقع حزين
ألّفه ليلٍ ذبحنى بالخذول=وأبدع حوار السناريو دمعتين
وأنتجه همى مع الحظ الخجول=واخرجه جرحى و أصوات الأنين
من بطولة مهمهٍ قفرٍ محول=و السفوح الغبر و حطام العرين
وطاير الألام وغبار الخيول=والجيوش وحبل آهاتٍ متين
والليال السود وصغار الحلول=وتيهة الضميان والموت اليقين
والشروق وساعة القمرا تزول=ولاغروب ولاطلوعٍ مستوين
و يوم قرب عرضها دقـة طبول=بمسرحٍ في واهج افكاري سجين
اقبلوا جمهوره امواج وسيول=بين هجس وبين دمع موزعين
قادها قلبٍ من اللوعه ثمول=والظلوع الحدب و رياح السنين
والحضور ازداد وأصحاب الفضول=في نواظرهم سما حقدٍ مبين
ضاقة القاعه واعلن لادخول=فاق ذروتها جموع الحاضرين
واغلق الابواب حراسٍ فحول=واسدل ستار المسارح مبتدين
البدايه
البدايه
البدايه
البدايه حب واشواق وذهول=والوعد مع صاحب الخد الحسين
واللقاء عند المتيم والمثول=بين كفينه وتقبيل الجبين
والشهد والمنق مع ريق البتول=والثلاث ورود عطر الياسمين
ومرحله
ومرحله
ومرحله
ومرحله مامرها عوق وعذول=زينتها بسمة العقد الثمين
لا ابتعاد ولا ارتحال ولاميول=عن طريقٍ فيه يجذبنا الحنين
عشتها وياه والفرحه تجول=بيننا تحمل ورود العاشقين
حملها عطره وخصله من جدول=اشقرٍ يذهل عيون الناظرين
انتثر لاشك مايقدر يحول=دون برق الخد ياربٍ معين
واستمر القرب وأعتدت الفصول=والتفاصيل وعناق البسمتين
لين جانى مشهدٍ وقف يقول=فاصله ..واعلن فراق المهتوين
بعد ماكنا مع المشهد ننول=نجم ليل ٍ يستثير الحاسدين
اقبلة فرقاه من بعد الوصول=وبدل النشوه بدمع وغيمتين
وبلهم ديم ذبحنى بالهطول=زاد لوعات الليالى والونين
مشهدٍ قاتن وخاين للحلول=من ذهوله تترك الام الجنين
فيه جانى قايد الريم الجفول=والفرح في نظرته امسى دفين
اقبلت تمشي وعثراته تحول=عن مسيره كل خطوه عثرتين
ويوم وصلت اكتسا وردى الذبول=ومالة اغصانه مع الرمش الحزين
والشحوب اجتاحنى عرضٍ و طول=والالم بيح جروحى والكمين
واشرت والصمت في عينه يقول=الوداع ولوح الكف اليمين
واستباح المسرح اسرار السهول=والختام ودمعة البعد المبين
وانتها عرض المشاهد في سدول=الستار ومبتدى جرح السنين[/poem]
[align=center]
القلب العديم[/align][/frame]
