ظاهرة تبط جبد جبد جبدي بالعروس ،،،لبس الدوام تروح فيه العرس
بنات شلونكم
انا داخلة اتحلطم مبطوطه جبدي حدها :eh_s(4):
اليوم بتكلم عن نموذج قاهرني و اشوفه بالعروس
اللي يلبسون لبس الدوام و يروحون فيه العرس
يعني تلقينها حجاب مشير و بلوزة شيفون و جينز
و لا تنورة و شحاطه و مكياج دوام
بنات بقولكم شي ترا و الله خامة السترتش المتر بدينار
اخذي 3 امتار و كلفة ب 1و نص و البدلة مع خياطها ما تطلع حتى 40 دينار
تعرفين شنو 40 دينار جنج رايحة فرايدز مرتين و الله :p
بنات شدعوا مستخسرين بنفسكم تكشخين و تسشورين شعرج و تقعدين بالعرس
ترا و الله الناس تنقد عليج و تفشلين نفسج
لا و الثقة الزايدة ترقصين بعد :eh_s(1): ابدعتي صراحة
حياتي ترا الناس عازمينج و متكلفين بعرسهم شنو يسوى عليج شكلج حالج حال مصورة العرس
و الله حتى المصورة ماسكه كاميرا و قاموا يلبسون بدل بعد بس انتي شلون شكلج بيصير بالفيديو
و بقولكم ترا السالمية القديمة في محل اسمه سينيه يمكن تذكرونه قديم مسوي تصفية اي بدلة ب 30 دينار
روحوا اخذوا لكم بس لا تروحون العرس بهالصورة و الله فشلة
تفشلون روحكم و تفشلون من عازمكم
اسمحوا لي اول مرة اكتب موضوع جذي بس صج محترة من هالاشكال :eh_s(4):
