جماهير الزعيم الملكي الي بيخضر المباراه يعلمنا وش ناوي يسوي من شعارات بخصوص الملكيه واهازيج لكي نتوحد سو يوم الاربعاء

بسم الله الرحمن الرحيم

انشاءالله نتأهل يوم الاربعاء لدور 8 وتكون ليله مجنونه
قلو امين
موضوعي مخصص للمناقشه يوم المباراه للجمهور الي بيحضر

كل واحد يعلمنا بخصوص الشعارات ولاعلام وش بتكون
ولازم يجماهير الملكي نكون لبسنا ازرق وابيض لبس الهلال
تكفون بيطلع المدرج رهيب

ولي رجاء الي يبي يجيب علم فيه الزعيم الملكي او الملكي
ياليت يجيب معه خمسه او اربعه بنفس التصميم
على اساس تتوزع في الملعب على اكثر الجماهير
ونرفعه والعيبه يدخلون بيكون منظر خرافي
كل واحد يجيب الي يقدر عليه لان الاغلبيه مايقدرون يسونها

بخصوص الاعلام انا معي علمين 4 في5 هل هو مسموح
اخش فيه الملعب والله متعوب عليه
الزعيم الملكي اكبر ملوك اسيا
الملكي الهلالي
كيف عطوني رايكم فيها وهل بيدخلونها
ومسوي ثنتين منها والله لو خلوني ادخلها كلام
وكل واحد يعلمنا وش بيسوي وش بيجيب معه يكون موضوع
تفاعلي نقاشي ومنها نبعد عن مواضيع التعاقدات المفبركه
ونركز على هلالنا خلونا نرعبهم يوم الاربعاء القادم
بشعاراتنا واعلامنا

ارجو التفاعل من كل هلالي يبي يحضر ونفيد وننستفيد

الهم وفق الزعيم الملكي اكبر ملوك اسيا
الملكي الهلالي