الحل الامثل من وجهت نضري للسوق

بسم الله الرحمن الرحيم والصلاة والسلام على اشرف الانبياء والمرسلين

كلنا شبعنا خساير في الايام الماضية ولاكن انا طرت لي فكرة واتبعتها والحمدلله اني قاعد كل يوم اعوض خسايري مع النزول الحاد وقلت لعل احد يستفيد من تجربتي لاني ارا في المتابعة كل يوم

واحد يقول وش رايكم اعدل وش نصيحتكم لان مع هالطريقة انسى امر العديلات باذن الله . ولاكن واكرر انها طريقة لاتنفع للطماعين يعني خذ من 10الى 20 هللة واخرج

الطريقة هي لاتخلي سهم واحد ينام في المحفضة لان مايحدث هو ان كل صباح يفتح السوق نزول لاحضنا الاسبوع الماضي كلة ما عدا يوم واحد انت لما تكون كاش في هذة الفترة وتشتري مع النزول

ولما يرتد السوق ولو هو ارتداد وهمي على طول تبيع يعني خذ 15 هللة واطلع قد تندم على فوات 10 او 15 هللة اخرى ولاكن تذكر ان غيرك قاعد يخسر وحدد هدفك من قبل لا تشري لان الحاصل

عندنا الصباح نزول بعدة ارتداد خفيف (وهمي ) ثم النزول ولاكن انا العب على الارتداد الوهمي هذا لان الهامور يبغى يصرف بسرعة ويرجع للنزول انت خلك معه هذة الطريقة لا تحتاج الى توصيات او غيرة

اكرر الطماع ما تصلحلة واذا بعت انتضر الفرصة الثانية او اصبر لليوم الثاني وكرر نفس الحركة اهم شي الساعة 2 لا يبقى سهم واحد في المحفضة

من يرى انها طريقة تنفع معه يتبعها ومن يقول انا لا ارضى بالقليل لا تنفع معة ابدا لانك اليوم تشري بسعر وغدا يفتح السوق اقل من مشتراك ب30 هللة

انا لم اكتب هذا الى من تجربة ولك الحرية ولاكن يصعب علي كل يوم واحد يقول انا خسران


ثانيا ماتدري وش يصير في اوروبا بعد ان يقفل السوق عندنا يمكن لا سمح اللة يحدث انهيار اوشي تكون انت قاعد تتفرج وفلوسك برا .

ارجو ان تدعو لاخي بالشفا العاجل وشكرااااااااااااااا