نفسيتي دمار ..مالي الا الله ثم انتم ساعدوني الحقوني ناويه انزل الي ببطني

السلام عليكم ..
اخواتي ساعدوني بقولكم نبذه عن حياتي بااختصار ...
انا متزوجه لي 13سنه عندي طفلين وحامل ..لي شهرين
انا يابنات زوجي طيب معاي مايقصر باي شي
فلوس هدايا سفر حب وربي يبنات يموت علي والله يبكي لو اطلع من البيت ماعنده اهل ساكنه بفيلا وعندي خدامه ومربيه الحمدلله مايقصر مع اهلي محترمهم يهديهم وكل شي زين حتى عيالي يموتون على ابوهم حنون بشكل موطبيعي معاهم والى الحين كل شي زين ..
اكبر مصيبه بحياتي هي سفر زوجي مع اصحابه كل سنتين مره .. يروح بلدان سيئة السمعه مايحتاج اذكر اسماء .. ومره شفت بجواله مقطع فيديو كأنه بشقه وبنات ورقص ويروح مراقص ولما يرجع الحقير يصير مؤدب ومايطلع من البيت والعاشق الولهان المهم انا واجهته واعترف واعتذر وعوضني وطبعا قلت له ماعاد فيه سفر بدوني وقال طيب وبعد سنتين قرر من نفسه وحجز وسافر وانا زعلانه هددته اني بطلع من البيت ولا همه بس طلعت .. ورحت لاهلي بس امي :eh_s(11):الله يسامحها حكيت لها عن السالفه قالت ارجعي بيتك هذا سبب تافه كل الرجال خونه وابوي لعني وهزئني قالو ادعيله وبس:eh_s(11):والله شوي ويطردوني من بيتهم وش ذا الاهل .. وجاء من السفر وراح البيت مالقاني ..وخلاني يومين وجاء ياخذني واهلي قالو بنسوي نفسنا محنا عارفين شي زوجك طيب معك والكل يشهد ومحترم معنا ومع الجميع ويصلي ويتصدق ويصوم ويبكي عليك ارجعي والله مافيه تجلسين عندنا .. ورجعت للبيت وقلت له حلل ؟؟ وقال ابشري انا عمري مامسكت حد غيرك وراح يابنات حلل ايدز وحلل حيوانات منويه زامراض جنس كله عشان ارتاح وانا رحت معه بنفسي وطلع كلش سليم ..بس ماني قادره اتقبله كرهته المهم دارت السنتين الى قبل شهر قالي بسافر قلت وين ؟؟؟ قال اسبانيا وربي يابنات لفت بي الدنيا كذاب حقير قلت اكيد راح لل ... الي جنبها عارفينها كلكم بلده عربيه سمعتها سيئه قلت له موعلى كيفك واصلا انت وصخ وفيك وفيك ... سكت مارد علي الين موعد سفرته واحنا متزاعلين ..قومني من النوم قال انا ماشي وسلم علي ..وراح 10 ايام ورجع .. من يوم رجع ماشفت جوازه :eh_s(11):تأكدت انه راح لل.... قلت له وين جوازك قال مع صاحبي قلت له ليشش ؟قالي انتي وش تبين به قلت بس اسأل .. قال وانا جاوبتك والله يابنات مقهووووووووره منه المهم لما سافر انا جلست بالبيت عشان عيالي ومدارسهم اما الحين عطلو العيال .. وخليته بالبيت والحين عند اهلي كل مادق مالي خلقه ماحب ارد عليه كرهته ودي اتطلق ودي انزل الي ببطني ماابيه لازم انهي حياتي معاه ونسيت اقولكم بعد ماجاء من سفرته الاخيره ماخليته يمسكني ابد وقلت له حلل وراح الاسبوع الي راح حلل ورحت معه وكنت زعلانه بس كان ينفذ طلباتي يبي يفتك مني وطلعت النتيجه ورحت بنفسي استلمتها كله اوك .. بس مازلت حاقده عليه افكر بالطلاق وارمي عيالي عليه وبعيش حياتي بس الغثيث يتصل وامس دق يبكي قال ريحتك بالبيت ليه قاعد ه عند اهلك ارجعي تكفين .. قلت له ماني زعلانه انا جالسه عندهم اغير جو من الوحام عفسني قال كم بتجلسين .. قلت 10 ايام قام يصرخ وقال مو على كيفك ارجعي وبكره جاي باخذك .. قلت له ليه موقادر تصبر 10 ايام على فراقي ؟؟ طيب كيف سافرت 10 ايام لمزاجك قدرت على فراقي والحين لا ؟؟؟سكت شوي وقال مابي اناقش بترجعين بكره وبالقوه وصكر بوجهي ..

اعذروني سالفتي طويله وش اسوي افضفض لكم منهاره ابي الطلاق منه كيف اسوي اواجهه بكره ..طيب امي وابوي والله بيبهذلوني لو جلست عندهم مطلقه .. ولا وش رايكم اقوله تبيني ارجع بشرط .. انك تطلع من البيت وتعطيني مصروف شهري ونيت اقولكم ترى زوجي مايسهر ولايشرب ولا يغازل مادري يمكن فيه الله اعلم بس عن نفسي حريصه ودايم افتش وادقق ماقد شفت شي وبيتوتي بس شكله من النوع الي اذا سافر يمكن يسوي كل شي والله اعلم مع انه يتصل يومي يكلم عياله كل يوم حتى هم يدقون يسمعون صوته طبيعي دايم انا مستحيل اكلمه وهو مسافر لو يموت مالت عليه كرهته ..وكرهت كل الرجال .. كل الي اعرفهم ياما زوجها يغازل ياإما يسافر يإما يشرب ياإما يزني اعوذ بالله ..


امانه امانه اسألكم بالله كل وحده تتخيليني اختها رجاء بنات مابي اي وحده تكتب رد مو لايق تكفون ساعدوني