( اكبر عيالج على اسمي لا تسمينه ) قصيده فراق للشاعر سلمان بن كويخ العازمي

السلام عليكم و رحمه الله و بركاته
هذي قصيده اكبر عيالج على اسمي لا تسمينه للشاعر المبدع سلمان العازمي صراحه انا اول ماسمعتها بجيت واتمني تعجبكم



انا أدري انـج من اعـمـاقج تـحبيني
وانا ادري اني غلاج اللي تـمنينه
..*
هذا مكانـج مسيطر منثرٍ فيـنـي
في وسط قلبٍ لـج الله ما تـخونينه
..*
شوفي غلاتـج على دربي تـخاويني
سلمان لـولا غلاتـج ما دمعة عينه
..*
من يـوم رحـتي وطيفـج ما يخليني
فـي كـل يـوم يـجي و يروح من حيـنه
..*
في قربج العام كانت تضحك سنيني
ولـيـل الشـتا كـم يـسـريـج و تسـريـنـه
..*
والـيوم حالـت مسـافـه بينـج و بـيني
مـالـي جـدا غـير حـلـمٍ ولا تــزوريــنــه
..*
واصبـحت متغرب و ضـايع و مسكيني
وانـتي بـعـد مـن ظــروف الوقت مسكينه
..*
يـا روح روحي يـ عـمري يـ نظر عيني
يا زرع قـلبي وجنـتـه و بـسـاتـيـنـه
..*
تكفـين عندي طلب وابيـج ترضيني
لا يـنكـسر خـاطــرج لا شفـتي ألزيـنـه
..*
وابـي بعد منـج لامنـج ذكـرتيـنـي
مـا تنـزف أجـروح قـلبـج مـن شـرايـينه
..*
وأخـر طـلب كل ماقولـه يبكيـني
اكبر عيالج علـى أسمي لا تسمينه
..*
يـمكن مـع الـوقت والأيام تنسيني
و يـمكن حليلج من أظروفه تـحبينه
..*
مـاني مـعزيـج وانتي لا تـعزيـنـي
و الحـب لا صار مـيت لا تــعــزيــنـه
..*
عـقـبـج ترا مالقيت اللي يسليني
و انـتـي بـعـد مـن يـسليج و تسلينه
..*
وان مـا قويتي فراقي ربـج يـعيني
و أن ساء وقـتـج فـسـوي مـا تسـوينـه
..*
يـا وقت لا نـمت تكفى لا تصـحيني
خلنـي علـى نـومـتـي و الـنوم يـا زيـنــه
..*
مـدام صرتي من اعـمـاقج تـحبيني
سلمـان و شلون يـصـبر بـاقـي أسنينه