كامل الموسى القائد الحقيقي<<و ربي بطل

السلام عليكم و رحمة الله و بركاته..


الف الف مبروك البطولة الملكية للمرة الثانية ع التوالي..

هاردلك للنصراوية مشكلتم قابلتوا الأهلي .. ما احد قالكم هايطوا علينا و خذوا نص التذاكر..

صعبة يا حلوين فجأة كذا تطلعون من المقبرة و تاخذون الكاس من الأهلي

صراحة حراام الأهلي يطلع بدون البطولة الموسم هذا

بعد المستوايات الكبيرة و الدعم الجماهيري و الحضور كل مبارة
و في الاخير نطلع خالين الوفاض

لو الأهلي ما حقق البطولة أمس فـ تباً للكورهـْ

النصر هزم الشباب رايح جاي..
عشان تعرفون ان الدوري ما كان مكتوب لنا و الحظ ما حالفنا بالاضافة للاصابات

باذن الله السنة الجاية الأهلي يحسم الدوري قبل النهاية بكم جولة..



نجي لكامل الموسى..

كامل لاعب قدم نفسه بشكل مميز مع الأهلي في موسمين و يستحق الأشادهـ
بدل من الأنتقاد من جمهور اللأعبين..!

صراحة مستغرب من بعض الجماهير الي زعلانين على كامل و خصوصا الناس
الي يقولوا كامل افسد الفرحة بالحركة هذي و حسين خط احمر و و و

يا حبيبي مين حسين ذا...؟

ما نختلف خدم الأهلي اكثر من 10 سنوات و عيش و ملح و و على راسي

بس خلال الـ 10 سنوات هذي ايش انجز..؟

كأس واحد رفعه حسين الي هو كأس ولي العهد 2007

و الأخلاق ما ابغي اتكلم عنها الجميع يعرف أخلاقيات حسين..

أما كامل الموسى البطل..

في موسمين فقط حقق ما لم يحققه حسين في 10 سنوات..
بطولتين كأس ملك + مناافسه على الدوري

يعني مسح تااريخ حسين كله..


بغض النظر عن المقارنة الي فوق

كامل لاعب أهلاوي..

حسين لاعب نصراوي

يعني خلاص كذا يكفي

لو حسين امس سجل و فاز النصر ايش راح تكون ردة فعلكم..
اتوقع((حرااام الأدارة ضيعت حسين))

لكن كامل سجل و فاز الأهلي
على طوول انتقاد...!

بالنسبة للحركة الي أمس كامل رد بطريقته على حسين..
و مع ذلك حسين مد يدهـ و المفروض يعطيه كرت اصفر او حت احمر ((زي الراهب مع الشباب))

اتمني تتقل سيرة حسين نهائيا..

و يكفيني كـ أهلاوي صميم أشجع الكيان و لا أشجع لاعب..

أن الأهلي حالياً أفضل بمليون مرة من أي جيل مر خلال الـ 20 سنة الأخيرة

على الأقل أن للفريق هيبة ..!


و مبروك الكأس مرة و ان شاء الله يوم الثلاثاء تكتمل الفرحة بالتأهل لدور الـ 8