بنات ابي حل تكفون :( شسوي مع قاموس السب والعناد :(

السلام عليكم ورحمة الله وبركاته ..


خواتي ابي مساعده منكم بليز :eh_s(16):


ولدي بيكمل سنتين ان شاءالله ...

يننــــــــــي ..!! طلعلي قرون اسم الله عليه ..!!

اهوه بجري وماعندي غيره ..

أول شي : اهو مدلع من الصوبين لان اول حفيد

ثاني شي : عنيد ..! اللي براسه يسوي ولا يشيل البيت كله بصراخه ومرات يطق راسه بالارض او اي شي ويتعور مادري منو معلمه هالحركه @@

ثالث شي : يسب ..! مادري من وين سامع هالسبات ويفشلني لما نطلع يسمعلي قاموس السب كله :krkrkr: وعسى ما كلمته الا سبني

رابع شي : يطق ..! ذبحني واهوه يطقني حيل مرات يطقني براسه تخيلو يعور ..! ويطق الكل مو بس انا

خامس شي : مايخاف مني ولا من ابوه الا اذا صرخنا عليه بصوت عالي يهدى شوي ويرد يتشيطن




جربنا معاه كل شي ..!!

الطق ما نفع قام يعاند زياده ومايهمه اذا انطق ..!!!

قمت احط بحلجه كركم عالكلام الوصخ بس اول مره انفعت بعدين كل ما اقوله بحطلك كركم يبطلي حلجه :krkrkr::krkrkr:

الصراخ قام يسويلي صداع :eh_s(2): وهم ماكو فايده

لا تقولولي حطيله اي شي بالتلفزيون لان مايحب يجابل شي يحب يحوووس

وجربت اشتريله الوان يرسم بسرعه يمل منهم حتى الالعاب ..! ماخليت لا نقازيه ولا الخيمه ولا شي

وكله يبي يطلع بره :eh_s(14):




شنو الحل بنات :eh_s(11)::eh_s(11):



:eh_s(2):