تعطل الانتاج بطبرجل وبسيطا لمدة 5 ايام......ماذا يعني؟
اغنام - ابل - دواجن - طيور
السلام عليكم جميعا
اسعد الله اوقاتكم بكل خير
معلومه وحبيت استفيد وافيدكم والاجر علي رب العباد
ماذا يعني انقطاع الجوف عامه او تعطل الانتاج لمده تقارب ال 5 ايام....بسبب الاحوال الجويه من غبار ورياح عاتيه....وكلنا تحت رحمة من يسير الرياح الواحد الاحد الفرد الصمد.
بلا شك ان وكما ذكرت سابقا ان المناطق كلها عينها على طبرجل وبسيطا....لانها هي من يغرق السواق بالكميات المهوله من الاعلاف.
تتوقع كم لبنه انتاج مشاريع بسيطا وطبرجل او منطقه الجوف عامه؟؟؟؟؟؟
رقم صعب جدا.......انا اقيسها على التريلات اللي تطلع يوميا
تصدق اخي الفاضل ان لو مناطق المملكه كلها تجتمع بكامل قوتها النتاجيه ما تعادل نصف انتاج منطقه الجوف ان لم يكن ثلثها؟؟؟؟؟
تقريبا وليس اكيد انه من 80 الي 90 الف لبنه يوميا على اقل تقدير.....ووقت الذروه تصل الي 120 الف لبنه باليوم وعليك الحسبه.
بلا شك ان اي انقطاع للجوف عامه يسبب ربكه للسوق وتكون نظرية رب ضارة نافعه للبعض وترتفع الاسواق بالجوالات ويصير شح مو طبيعي.
تخيل 90 الف او 100 الف في 5 ايام انقطاع من وين راح تعوضها......؟؟؟؟؟
اكيد السعر يرتفع ويواصل ارتفاع الي ان يرجع الانتاج للشمال....واكرر ان المناطق كلها ما تعادل نصف انتاجنا....حقيقه لا تقبل للنقاش.
وصعبه وتكاد تكون من المستحيل انك تعوض هالكم الهائل لو جمعت مزارع المملكه كلها وخليتهم يشتغلون بايديهم وارجولهم هم ما راح تعوض.
على العكس من ذلك....الاستمراريه راح يخلق توازن وضغط على السعر بالغصب وصنف طبرجل يغزو الاسواق وبكل بساطه مطلوب ولا تقدر تلقي البديل من ناحية استمراريته وسعره للاسواق عامه.
نجي للمهم
وردتني اتصالات واستفسارات عن ان الاسعار في اسواق المملكه مرتفعه الي ريالين تفريبا.
والسبب الرئيسي ان مشاريعنا متوقفه بسبب عوامل الطبيعه لا اكثر ولا اقل.
والمناطق الزراعيه الاخري اكيد راح تبيع بسعر اغلي لان السوق يبي والربكه اللي حدثت للسوق تخلي الواحد يتعلم من الماضي او يخاف او يحتاط بالمعني الاصح.
علي العموم اللي بغيت اذكره ان هذا السبب والله فقط العالم وايضا اي انقطاع للشمال اكيد راح يخلق جو غير متزن من ناحية العرض والطلب.
وهالموجه لا تكون اكثر من 5 ايام من الان ولاشئ يدعو للقلق.
هذا رايي الشخصي ولا الزم احد بالاخذ به او تركه.
هذا والله اعلم.
اخوكم ابو هديل
