تقييمي لدكاترتي لهالكورس - تخصص انجلش

ندى الغربللي - قراءة

وايد زينة
تحب اللي تلتزم عندها بالحضور والغياب واللي تهذر عندها بالكلاس طبعا فيما يتعلق بالدرس
ولازم تحاول تتكلم بالإنجلش حتى لو غلط..
تبي منكم قصة اتسوونها تلخيص ..
تعطيكم بونص على السرعه بالحل بس هذا بالكويزات

اللي تشد حيلها عندها تعطيها علامة حلوه اللي بيدها
أما الإمتحانات اهيه ماتقدر اتسوي شي لأنه مجهودج انتي


.
.
.


طيبة صادق- محادثة


مادري ليش البنات يذمونها
بالعكس زينة وايد واتحب البنت الشاطرة
والبنت المجتهدة عندها تعطيها a
أما البنات اللي كله ساكتين ويقعدون ورا فاا شي أكيد ما راح تسرهم الدرجات


.
.
.

عبدالغني البزاز - كتابة متقدمة

امممممممم حبوب وحليو
وطيب ويضحك بالمحاضرة
بس استفادتي منه كانت قليله
لأن اساسا هالمادة كلها تعتمد على موضوعين
شلون نكتب فقرة قصيرة ومكوناتها وعناصرها - وعلامات الترقيم - وشلون انلخص

فاا مو عارفة شلون
عموما أخذت عنده ترجمة للفصل الأول القادم :)



.
.
.


بدر ملك - أصول تربية

التزمي عنده وشاركي وخليه يحفظ اسمج
حطي الــــa بجيبج

يحدد لكم اللي يجي بالإمتحان
يعني ما تضيعين معاه
وامتحاناته سهله


.
.
.
.


لطيفة الكندري- مناهج بحث

اممممممممممم
ماتحدد معاكم المنهج نهائياً
بس تساعد بالدرجات
تبي منكم بحث تسلمينه قبل الميدتيرم او عادي حتى بعده
وامتحانها هالكورس نفس نموذج الإمتحان الموجود بموقعها

بس المشكلة مو عارفين نهضم المادة

حليت الإمتحان من عندي ومن فهمي وشوي من الكتاب وحطيت أمثلة واخرتها حتى ما وصلت 20 من 25 ههههههههههههه

ملاقة ماحب جذي

المهم ما اعتقد باخذ عندها
عند ريلها معقولة

.
.
.
.


وبس

ونتمنى لكم التوفيق