تجربتي مع الدكتوره العسل لطيفة الكندري

مساء الخير :eh_s(17):


أنا مستغربة إن ماكو أي موضوع عن هالدكتوره بالقسم


للي مايعرف دكتوره لطيفة الكندري اهي استشارية في مستشفى الصباح وإتداوم 3 أيام بالاسبوع في مستشفى السلام

خل أقولكم قصة ولادتي معاها

هذا أول حمل لي و حاشتني مشكلة بالحمل في الشهر الثامن كنت أراجع كل إسبوعين عند دكتورتي و آخر موعد تأخرت عليها إسبوع زيادة واهني كانت الصدمة
قل الماي حوالين البيبي و المشيمة ما كانت تغذيه عدل و نموه وقف !!!


دششتني مستشفى الصباح عشان أكون تحت عيونها وما يلعبون فيني بالسلام وما قصرت معاي اهناك كلش كانت متوصية فيني وعطتني إبرة الكورتيزون حق رئة البيبي
قعدت 4 أيام بس ما تحملت العمومي وطلعت ...

صراحة الرعاية ممتازة ما تصورت الرعاية جذي والممرظات هنديات طيبين وجهاز السونار متطور وايد واظح


المهم


طلعت ولزمت علي اني أدش السلام المهم اني أبقى تحت الملاحظة لأنها ناوية تولدني بس كثر ما تقدر ما تبي تستعيل و كانت تحاول تخلي البيبي يطول في بطني :eh_s(2):


من الاشياء اللي ريحتني لها أكثر انها من البداية كانت صريحة معاي عن حالة البيبي و قالتلي انها بتحاول قدر المستطاع تولدني طبيعي


دشيت السلام قعدت إسبوع كنت باليوم أسوي 3 مرات تخطيط يتطمنون من حركة البيبي و نبضه وكل يومين أسوي سونار يشوفون الماي حوالينه إذا زاد أو قل و كانت كل يوم تتصل على الممرظات تاخذ update وتمرني يوم و ترك إتطمني

لين زهقت وشفت كل اموري سليمة وتوكلت على الله وطلعت على مسؤولتي كان يوم الخميس


رحت موعدي معاها السبت الصبح كل شي كان سليم يطمن


بالليل على الساعة 8 بدا يحوشني عوار مو يديد علي مثل عوار الدورة ... حقرته وقعدت أطلع فيلم وأكل ice cream


لين الساعة 1 بالليل لما زاد بشكل فظيع :( ما قدرت اتحمل أخذني ريلي السلام وأنا عندي أمل إن بيعطوني مسكن وأرجع البيت لأن توني بنص الشهر الثامن !!!!

أول ما وصلت حطولي التخطيط وقالتلي السستر في طلق بس خفيف مو ولادة هذا

وأنا واصلة حدي ميتة عوار قلتلها زين عطيني أي شي بموت تكفى :eh_s(11):


عطتني إبرة مسكن و خلاص كانت بتخليني أرجع البيت !!!


اشوى انهم دقو على دكتورتي جان إتييني ركض مسكينة خلال نص ساعة اهي ياية لأني ما رظيت أحد يفحصني وكنت برجع البيت خلاص ،،، أول ما وصلت شافت التخطيط قالت صعدوها ولادة !!

أنا اهني قلبي طاح في بطني وريلي قامت تتصافق من الخوف ،،، صعدوني الولادة ولبست لبس الميانين و يت إفحصتني بطلت عيونها @@ قالتلي انتي واصلة 8 سانتي

خقيت و براطمي تتراقع وقلبي بيطلع من صدري من الخوف كلش ما كنت متصورة اولد إليوم وبنص الشهر الثامن !! :eh_s(11): قامت تقرى علي و تلقني أدعية بعد عمري لين هديت شوي والحمدلله ولدت بعد ساعتين ،،، للحين أذكر صوتها واهي إتشجعني في البوش يحليلها


مرتني ثاني يوم الغرفة تتطمن علي و تطمني بخصوص الجرح يا حلوها:eh_s(17):


ولدي للحين بالشيشة لأن وزنه أقل من المعدل الطبيعي لكن الحمدلله الحمدلله حالته الصحية سليمة أهم شي هذا والوزن ان شاء الله أمره سهل


الخياط ممتاز ومايبين كلش:rerrerek: والخيوط ذابت بعد إسبوعين


أقل كلمة أقدر أقولها عن الدكتورة انها ممتازة ماشاء الله عليها وحتى ريلي وايد استانس منها وقالي خلي إن شاء الله ولادتج الياية عندها