لايروح الكوري يابوفيصل تراه فله يخليني مثل الأطفال قدام اهلي

صحيح مثل ماذكرت في العنوان فمن كثر ضياعه للفرص على خط السته لاشعورياً تلاقوني مرة اشد شعر رأسي ومرة اضرب بيديني على فخوذي زي طلاب الإبتدائي بالطابور الصباحي ومرة افرك رجولي بالأرض مع حركة سريعة زي الطفل إذا زعل وقام يبكي بسبب لعبة او ماحد شاله
صاروا اهلي إذا جات الكورة للكوري يحولون انظارهم علّي علشان يشوفون ردة فعلي ويضحكون
مو عادتي اسوي هالشي بس إذا اكثرت الفرص الضائعة وخاصة امام المرمى وطبعاً ماحد يضبطها زي الكوري اللي دائماً يخبّل فيني
من كذا اطالب ابوفيصل بالإبقاء عليه لأنه يسوي جو لأهلي ومانكر إعجابي في روحه وحماسه ومشاغبته للخصم ولكن عيبه الوحيد إضاعة لفرص محققه للتسجيل