حقيقة الجلوتاثيون واضراره

صباح الخير / مساء الخير كلن بوقته

انا وحده كنت معزمه استخدم حبوب الجلوتاثيون على مدح البنات له وقلت خل اسوي سيرج بالنت وتويتر سألت دكتوره في مستشفى اسعد الحمد بتويتر وقالت لي ان اهوا اصلا علاج للكبد وللحين ما اكتشفوا اذا له ضرر مستقبلا ومافي اي دراسات عليهم واذا تبون تجربون بنفسكم كيفكم انا هني ماطمني كلامها شلون حبوب وابر ماعليها دراسات وللحين مو عارفين اضرارها واللي بتبيع لج طبيعي بتقول لج ماله ضرر مابتقطع رزق نفسها ,, المهم قلت ادور باليوتيوب ولقيت طبيب اعشاب شوفوا شيقول عن الجلوتاثيون هو علاج للكبد وينعطى للي اكبر من 50 سنه يعني اللي جسمهم يكون اساسا عنده نقص بهالماده احنا بهالعمر ربي لك الحمد مانحتاج هالماده اللي الكبد يفرزها بشكل طبيعي والمضحك المبكي ان البنات ياخذونها بجرعات عاليه 6 كبسولات باليوم و3 كبسولات فيتامين سي يعني جسمج بالمستقبل اي نقطة شمس بتحرقه او اي جرح شلون بيلتئم وفيه هالكميه من الفيتامين سي والحبوب اللي ماتدرين شنو اهيا وشنو اضرارها بنات ديروا بالكم من هالادويه انا عن نفسي شلتهم من بالي موليه
وهذا الفيديو
http://www.youtube.com/watch?v=buUUBSeTnes

ابي رايكم :eh_s(7):