الا يستحق حقوي العوده لقيادة المدرج الازرق؟

الف مبرووووك لكل هلالي الفوز وتصدر المجموعه ولو سجلنا الفرص اللي ماتنعد ولا تنحصى كان صارت اكبر نتيجه بدور ابطال آسيا عالعموم الفريق اليوم لعب بروح عاليه وكانت سبب رئيسي في الفوز والسبب الثاني للفوز اكيد كلنا نتفق على ان الجمهور اليوم كان فعال ومن اول مانزلوا الفريقين لأرض الملعب وهم شابين الملعب بس اللي خلى الجماهير تتفاعل بقوه وجود قائد للرابطه وهو ابراهيم حقوي اللي صراحه ذكرنا بالتشجيع ايام رادوي وياسر ونيفز ايام ماكان الهلال مرعب ..حسينا اليوم ان التشجيع مختلف ورفع حماس اللعيبه وحتى المشاهدين انبسطوا من التشجيع الى درجة ان معلق قناة الدوري والكاس قاعد يعلق على الجمهور اكثر من المباراه في الملعب .

اتمنى من الاداره الهلاليه ارجاع حقوي لقيادة المدرج الهلالي وانا متأكد ان اكثر الجمهور يرغبون في عودته لان التشجيع الايام اللي راحت سلبي وذبحونا مافيه الا (ياهلال عزك عزنا) ياليت نهتم بموضوع عودة حقوي والله الشخص هذا عمل جو في المباراه وخلانا نحس ان عندنا جمهور مع كل احترامي للالتراس.