1000 دينار شلون اقدر أصرفها بشهرين بس,,,,؟

بنات
شلون اصرف 1000 دينار بشهرين
انا تعبت من الصرف مبذرررررررررره مسرررررررررررررررفه

لازم أمسك نفسي الحين
تعبت

ابي اعرف اذا 1000 دينار انا مستعده استغني عنها
بس ابيها بالمللي تكفيني شهرين شلوووووووووووووون

لانه مصاريفي وايد وايد
==============

وعلى العلم ماشري شناط ماركه صايره هالسنين الاخيره ولا بدل اللهم بدله بدلتين على مدار السنه يكونون غاليات بسسسسسسسس لانه ما عندي مناسبات

عندي شكثر رفايج نفاس
والتزامات العيال انا عندي 3 الله يهديهم قبل اوديهم العبهم ولازلت بس مو مثل قبل كنت اوديهم الافنيوز وبروي وفانتسي وورد وسنتر بوينت وحولي بارك
تدرون هالاماكن غاليه وفيها صررررررررف :eh_s(4):


رفيجتي تقول وديهم حديقه المنطقه واكل عادي من مطعم الحديقه مادري احس مو ستايلي

بس ودي احاول

خدامتي معاشها بس علي
================

لانه زوجي مضغوط وراتبي نفس راتبه بالضبط التزاماته اكثر مني ويطلع عياله بصراحه ويشريلهم العاب بين فتره وفتره
بس مو مثلي

انا اصرف اكثر منه حتى لبس ما يعطيني مصرف للبسهم شسوي عشان يعطيني انا لي رحت مع خواتي اشري لهم لانه السوق يونس وماتردد بالشراء