موجه \معلمة اولى و معلمات كل المراحل و كل المواد بليز دشوا ضروري

السلام عليكم معلمات
محتاجة مساعدتكم ضروري و خبرتكم في الاجابه على بعض الاسئلة اللي يمكن انسالها
انا تخصصي انجليزي لكن الاسئلة التربويه كلها نفس الشي حاليا مقدمه في الامارات و مقابلتي الاحد

( مايهم اي مرحلة سواء ابتدائي او متوسط او ثانوي ابي اعرف كل الاختلافات للتعامل مع الفئات العمريه وحتى المواد ) ويمكن ها الموضوع يفيد الكثير

من واقع تجاربكم و خبراتكم

شلون اعرف الفروقات الفرديه بين الطلبه كيف اقيسها؟

شنو هي الطريقه الصحيحة للتعامل مع التلميذ؟

- المشاغب اللي يحب او تحب تضيع وقت الحصه و اتخرب الحصة و اتحاول تضحك الطالبات ؟

- اللي ماعندها اي اهتمام بالحصه و كله تسرح وماعندها دافعيه حتى تشارك و ترفع ايدها ؟

- اللي مستواهم ضعيف او بطيئي التعلم ؟

- الراسبين عايدين السنه ؟

- المتفوقات دراسيا ؟

كيف اصحح للطالب في حال جاوب اجابه خاطئة او قرى جمله بطريقه خاطئه .؟..

لو سالني الطالب سوال ماعرفت جوابه شلون اتصرف ؟

شنو يكون عقاب اللي مو حالين الواجب ؟ وعقاب اللي رسبوا بالامتحان؟

ادري الرزق مكتوب لكن الله العالم اشكثر محتاجه الوظيفه و قاعدة اسوي اللي اقدر عليه و لفيت كل المواقع العربيه و الاجنبيه و قلت هم اخذ من مجربين لانهم يعيشون ها الواقع و يتعاملون معاه