لا تخلوني اندم اني صارحتكم بقصتي وياه

السلام عليكم خواتي
والله ضاقت علي الدنيا و ما لقيت احد افضفضله غيركم لانكم حبوبات و انشاءالله بتفهموني

اول شي ال يبي يحكم علي و يقول هذه قلة ادب وشذي لا تضيعين نفسج ووقتج
المهم
و الي تقول هذه تفلم و عايشة قصة خيالية لا والله والله والله ووو واللله كل الكلام الي بقوله صج و ما فيه اي كذبه اصلن انا اكرة شي عندي الكذب
انا عمري 16 و حاسه ان الي قاعد يصيرلي فوق الي تتحمله اي بنت بعمري و الحمدالله على كل حال
بتقولون ليش هذا مو موضوعنا الي صارلي و انا صغيره شي مو مفروض يصير لبنت بريئه شي فات و قلت اوك عادي قدر الله و ما شاء فعل
بس الي يصيرلي الحين انا مو متععوده على شذي
مادري من وين ابدي ادش بالموضوع انا تعبت من واحد والله مادري انا خبله ولا هبله ولا مادري شنو
القصة بدات انا عادي نفس معظم البنات ادخل على النت و سوالف الفيس بوك و البيبي ام يعني و اكلم
بس مو نفس اي بنت
انا ما اكلم يعيني باشياء الي فيبالكم
اتكلم عاادي و بكل احترام و ادري ان سوالف الشباب و كل هذا هبل و شذي
فما كان يفرق معاي احد الي يقولي ابي رقمج و صورتج و و و و
المهم كنت عادي اكلم اي احد بس اضيع و قتي انا و رفيجاتي عليهم
بس والله ما كن اقصد اني اسوي شذي ولا كان ببالي هالموضوع اني اتعرف و اكلم من عالانترنت انا اصلن مو نفس رفيجاتي و اغلب البنات الي اعرفهم اكلم شباب انا بعمري ما كلمت احد ومو سالفة حرام ولا عيب لا بس انا مالي خلق لهالسوالف و كنت اضحك على البنات الي يحبون و اهما مراهقين المهم
بيوم كنت اكلم واحد هو مزيووون حيل حلو حلو يعني
بس هذا كان مو السبب الي خلاني اكلمه
بس كنت اكلمه و هو نظام ما يعطي ويهو انا كنت اشوف شلون البنات ميتين عليه بس هو مو عشان محترم ما يكلم شكله كان نفسي ماله خلق و انا كنت الي ابدي بالكلام عادي نسولف بأي شي
و يوم ورا يوم كنت انطره لين يشبك مادري ليش غباء مني والله كنت انطر 8 ساعات و اكثر و لما يشبك ادخل و اسولف وياه وايد
بس ما كنت مبينه اني معجبه فيه بس و صارت حكاوي واييد مابي اطول
وهو كان يقط نغزات انه يبي رقميو شذي و انا اقول لا انا ما اكلم و كان مو مصدق اني اكلم و انا كنت اطنش
بس بيوم تهاوشت واياه وسمعته كلام بعمره ما سمعه من احد اهو انصدم شلون انا احاجيه بيوم مافي بنت كلمته جي ترى كانت سمعته زفت و بس يفكر بنفسه تعرفون شباب هليومين
و بس وهو اعنذر وقال انا اسف وانتي ولا مو نفس اي بنت و بلا بلا بلا
و انا عشان على نياتي صدقت و قلت يمكن انا اعنيله شي وصج معتبرني غير البنات
بس و مرت الايام و قالي ودي اشوفج قلتلع لا قالي انتي ما تثقين فيني و شي و انا ادري انا ماراح يسوي بصورتي شي لانه مو فاضي لهلكلام بس دزيت الصوره و انصدم لانه ما كان يتوقع اني حلوه مادري ليش هههه والله مو غرور يا بنات بس والله انا مو بس انا شايفه نفسي حلوه بس كل الناس بحياتي يقولون امي وااايد حلوه خلونا من الحلا الحين بس و مر اسبوع و خذيت رقمه وكلمته بس الي يغث انه انا كل مره الي اسأل عليه و ادزله مسجات وهو مو معبرني يمكن هالسبب الي ماثر فيني حيل بعدين بالصدفه انا كنت مع رفيجاتي عالبحر ( مارينا ) و انا ادري انا كل خميس يكون مناك و لا اشوفه بس ما عرفته و رفيجتي تقولي كا كا حمود و انا اقولها لا يا معوده ولا في صبي قاعد يغازل وايد بقلة ادب متعوده على هالاشكال ولا اهو ياصرخ و يقول تبعي شفيك المهم احنا مشينا لما شفنا الشباب وايد قاعدين يتهاوشون المهم ولا يدق علي و يقول هذه انتي صح ولا الحين عرفت انه حمود بس و لا انا امشي ورا شي عند النافوره عرفتوها ؟؟ المهم ولا اشوفه ف مشي ورانا انا و رفيجتي و سلم عبي و كلمته يمكن ربع ساعه و قال لحظة و ارد ولا يروح و ما يرد بعدها ما كلمني ولا اتصل علي بيومين ف كنت شابكه عالمسن ولا يقولي هلا قلتقله عادي ادق عليك الحين قال اكييد فدقيت و تهاوشت وياه عشان خلاني و ما شئل انا نضام عصبية و احب اتهاوش ترى
فقال انا اسف و مادري شنو كان في هوشه و رفيجي را السجن وهالكلام و انا مشيت هالصالروخ
تدري اني طولت بس و كان ما يتصل عليولما انا ادق يقولي بالتلفون ادري اني مقصر و اني ما اشسل بس عندي ظروف بس نا ما كنت مقتنعه لاني اشوفه عادي عايش حياته و الحياة عنده سعيدة و يضحك معاي و مفرفش طول الوقت و مو فارق وياه احد
فانا كنت زعلانة و متضايقه وايد حتىى الطلعات ما كنت اطلع رفيجتي لاحظت علي ان نفسيتي تعبانه
فمن دون ما ادري ايها عندها رقمة كنت انا مسجلته عندها مرة
كلمتة و قالتله يعني اهتم فيها تراها حيل تهتم فيك يعني
الصدمة انه قالها عادي اهي من اي شي تزعل المهم انتي شنو اسمج يبي يتعرف عليها قالتله مالك شغل فيني المهم شيوم قالها يا معودة هذي محترمة زيادة عن اللزوم و وايد بيرفكت و هيا اصلن ما تفرق معاي و لما عرف انها اهيا الي كانت معاي يوم شفته صار يتحرش فيها قالتلة سوري بس انا ما اقدر اكلم رفيج رفيجتي قاله انا مو رفيجها انا بس اكلمها شنو مفكرتني بحبها لا فهي هزءته و سكرت بويهه
و قالتلي على السالفة ف انا اتصلت فيه بعدها بجم يوم ولا يرد علي بنفسيه و شوي و يسبني مادري ليش بعدها انا سكرت ودزيتله مسج اقوله اني بخليه
ولا همه ولا رد علي جنه ولا مرة بيوم عرفني
انا هالحزه بجيت وايد يمكن شهرين او اكثر كل يوم تعرفون سوالف البنات
و ترى للحين اكثر من 5 مرات يمكن اشوفه صدفه ولا جنه شايفني ولا بيوم عرفني ولما يشوفني يضحك ويا ربعه ومرات يسوي روحه مو شايفني لما الف ويهي يقعد يخز
بس مر يمكن 8 شهور و انا ولا مره بيوم نسيته اقعد افكر فيه واكلم رفيجتي و تقولي خلج منه انتي احسن منه و تنصحني و انا امشي كلماها و ما نسيته
و الحين من اسبوع كنت بنفس المكان الي شفته فيه اول مره انا و رفيجتي وحده ثانية قاعدين نتمشى ورا رحنا وايد ورا ولا اشوفه ويا رفيجه واقفين مع بنتين ورا المكان الي وقفت فيه وياه كان قاعد يسولف وياها ولا لما شافني سكت انا طالعت بعيونة ولا رفيجة يقول الحين راح تبجي انا طالعت رفيجة من فوق ل تحت جان يقول حق رفيجة عادي خلك منها انا انصدمت و رفيجتي طبعا ما تعرف شالسالفه فقلتلها خلينا نمشي و مشينا
بس هذا الي صار
الحين انا و رفيجتي هذه الي تعرف كل السالفة ما صارنا حيل مع بعض فجاه تغيرت علي و ما تكلمني نفس اول
اول كنا نسهر انا وهيا عالتلفونالحين بمكن مرةكل اسبوعين و بس تكلمني بالفرصة في المدرسه و هيا كانت اقرب شخص عندي كنت احكيلها عن كل شيء مادري ليش صار شذي لما وحدة من رفيجاتي قالتلها ليش انتو الثنتين بعدتو عن بعض قالتلها كيفي والله لليلحين مصدومة صرت افكر في غلط فيني عشان شي بعدت عني ولا انا جيكر ولا نفسيتي خايسة عشان يبعد عني
والله طلبتكم يا بنات انا الحين حالتي زفت و كل الناس يقولون ليش متغيرة اقعد اضحك مع الكل و ارد البيت شوي و ابجي و بعد شهرين راح اكمل سنة من يوم ما خلينه و لليلحين ولا يوم نسيته و سالفة رفيجتي اثرت فيني وايد هذا غير مشاكل اليت
صرت اقول ليش انا الي يصير وياي شذي ربعي كلهم عندهم حبايب يسئلون عليهم و عايشين حياة حلوه و انا ادري انه مو شاب عاقل او زين و مو احسن من اي احد و رفيجي كلهم يقولون انه قليل الادب و ما يسوى لانهم يعرفونة و اكثر من مره يكلمونه بس انا الي بس الطلب الي تمنيته انه يهتم فيني شوي يعني انا ما طلبت شي غيره و لا مره اعترضت على حياتي و مشاكل البيت و الظروف الي عايشين فيها ما كان يهمني وايد الموضوع بس الحين والله مليت من كل شي امانه انا بس كلمتكم و هذه قصتي وياه بامانه قولوي وش اسوي ؟ يمكن بالنسبة لكم الموضوع تافة تقلون شدعوه ما حبته ولا قعدت معاه مدة بس والله انا عايشة بعذاب مع اني ادري المضوع ما يستاهل كل هالوقت و هالتفكير امانه لا تطنشون يمكن وحده فيكم يصيرلها هالموقف و ماراح تلاقي احد جمبها و الي تبي تكلمني
تعالي كلميني عالخاص او عادي كتبو عالعام بس ردو علي بسالفته و سالفة رفيجتي شنو اسوي وياها كلمتها اكثر من مره ولا همها
ليش اغلى ناس عندي نفس الحاله ما اهمهم ؟