قرقيعان علاو الحلاو الثاني ( بسيط )
السلام عليكم
اول قرقيعان لبجري حبيبي تكلفت فيه وسويته
في ماجيك بلانيت مع عيد ميلاده
ثاني قرقيعان ما سويت له شي و لا تكلفت
الا يمكن شوي بالكاكاو لانه من لندن و صورته
للأسف التصوير مو شي لان ما كنت ناويه اسوي
شي ..بس يمكن تاخذون افكار و تستفيدون لذلك اعرضهم
عباره عن 3 نماذج
1- حق الكبار ( أكواب كبيره )
2- جناط للاطفال معلقين على ستاند
3- اكياس اورغنزا للخدم
===============
النموذج الأول
اصيص زرع بعد القرقيعان ينزرع فيه او ينحط ديكور
و حطيت فيه كاكاو
و آخر شي دمجت ورقتين سوليفان و غلفته
النموذج الثاني
جناط مطرزه يدوياً تراثيه تقريبا 48 ما صورتهم كلهم بس نموذج
كل جنطه عقب القرقيعان اما تنحط فيها الفلوس او الميك اب
او الايفون و البلاك بيري
و وقت القرقيعان علقتهم بستاند ذهبي
و لبسنا اليهال نفس الثيم
مثال
النموذج الثالث
الاورغنزا مال الخدم ما صورته
و حطيت فيه السوالف الي يحبونها مثل السبال
و العلوج و البسكوت
اليدات
بخور و معمول هم ما صورتهم
نسيت للأسف
كان العشا موالح و فطاير و كباب مع سلطات و مزات
شي بسيط و محفوف للأهل مع حلويات
و بس سلامتكم
ادري ما في مجال مقارنه
بس ما كنت ناويه اسوي
و الاول كان عيد ميلاده بعد فديت روحه
:p
ثالث قرقيعان الله يستر الوضع كل و ما يسوء !
هههههههههههه حامل احتمال اكون والده او على وشك
فاحتمال اسوي له اي شي الحين و ماني متكلفه
قاعده آخذ أفكار من مواضيعكم
الله يخليكم و يخلي لكم عيالكم
