السلام عليكم ورحة الله وبركاته
يمكن الموضوع او بمعنى اصح القصه اللي بذكرها
بعيده شوي عن اهمية المرحله الحاليه للهلال
بس لانها تتعلق بالارهاب الفكري
تتعلق بعقول خطيره وميته بنفس الوقت
ومن غرابتها ومن كثر مافجعت بها
بذكرها لكم وراح تستغربون كمان
بختصر/ امس كان معايه ولد اخوي طفل في ثالث ابتدائي
يحب كرة القدم ويعشق الهلال
بس استغربت لما قال :
عموا جيب لي فنيلة الاهلي او اي نادي
ضحكت وقلت ابشر بس ليه انت مو تحب الهلال؟
قال الا احبه بس علشان اقدر العب في حصة البدنيه!!!
قلت تعال ايش السالفه؟
قال مدرس البدنيه يمنع اي طالب لابس الهلال من اللعب
ويخليه واقف لين تنتهي الحصه!!!!
والحصه اللي فاتت وقف اربع طلاب وخلا الباقين يلعبون
وجا مدرس ثاني (لاحظ الثاني )
وسال مدرس البدنيه ليه هذولا مايلعبون؟
قال له بكل وقاحه لابسين الهلال
قال لعبهم هالمره بس مره ثانيه لاتعيدونها(لايعيدون الجريمه؟)
ينحرمون اللعب وكل ذنبهم يحبون الهلال
ويقول الحين ولا طالب بالمدرسه يلبس فانيلة الهلال
مساكين اطفال يبون يلعبون
مساكين من صغرهم تتم محاربتهم في حبهم للزعيم
شي مقرف ان معلمين الاجيال
يزرعون احقادهم في الاطفال
احياتي مع أرق المنى
