تجربتــــــي مع زيت جــــدايـــــــل المقـــــوي
السلام عليكم
بداية أحب أعرفكم على شعري ^_^
هو مموج وناعم
بس ضعيف وبيقصف
وجيت مرة حبيت أفرده كنوع من التغيير
وقع لحد ما الارضية بانت
وبقى أطرافه محروقه وهايش
اتدمر طبعااا واتحرق دمي عليه قوي
طبعا مش عارفة أتصرف ازاي
قلت على ما أروح لدوكتور يساعدني اجرب زيوت طبيعية يمكن يجيب نتيجة
فقريت هنا في المنتدى على زيوت كتير ولقيت 80% من البنات بيمدحو في جدايل
ومجموعة تانية بتشتكي منه انو بيوقع الشعر وريحته وحشه قوي
فقلت هجرب ومش هخسر حاجة لأنه زيوت طبيعية
أخدت نصيحة العطار قالي في الاول هيوقع الشعر طبيعي لأنه منتج جديد على شعرك وشعرك مش متعود عليه
وتحطيه لمدة ساعتيين بس على شعر نضيف مرتين في الاسبوع
والعبوة هتعد معاكي شهر والنتيجة بتختلف من شخص للتاني
فتوكلت على الله وجبت نوع واحد بس والي هو زيت جدايل المقوي
لأن تقريبا العبوات الـ 4 تركيباتهم متشابهه
غسلت شعري كويس
على فكرة بستخدم شامبو تريسمي وهو اكتر واحد لطيف على شعري
المهم سرحت شعري وبدأت أقسمه أقسام صغيرة وكل قسم أحط كمية من الزيت على الفروة وأدلكه لمدة دقيقة لحد ما يتشرب
وبعدين ألبس فوقيه كيس بلاستيك وأخليه
ولو تحبي تحطي فوطه دافية او تستخدمي جهاز البخار للشعر هيكون احسن بردو
المهم غسلتو
شعري الي كان بالنسبة ليا ميت ومافيهوش أمل
بقت فيه لمعة جميلة ومفتقداها من زمان قوي
والهيشان هدي شوية
بس بحط كريم تصفيف هيمالايا تغذية اضافيه ومكوناته طبيعية تحفة يا بنات
لازم تجربو بيطري الشعر قوي
المهم بعديها بكم يوم في نفس الاسبوع عملت حمام الزيت تاني
على آخر الاسبوع لقيت فعلا شعري وقع
فاتخضيت
وافتكرت العطار لما قالي ان ده رد فعل طبيعي
وانا في الاسبوع التاني دلوقتي عملتو للمرة التالته
التساقط قل بنسبة 70 %
قبل ما أبدأ حمام الزيت قصيت شعري في ليلة 15 من الشهر الهجري عشان الهرمونات تتحفز وتصحصح البويصلات
طبعا لسة ما وصلتش للنتيجة النهائية
كمان أسبوعين هخش أطمنكم عالنتيجة
بس شعري في اسبوع طول 1سم
ورجعتله لمعته
لسة ماعرفش هيتقله ولا لأ
والتساقط خف جدا جدا جدا
عموما دي كانت تجربتي بكل صراحة ووضوح وعدم مبالغه وأتمنى أكون أفدتكم
وحابة أعرف تعليقاتكو وتجاربكم
:eh_s(7)::eh_s(7):
دمتم بكل خير
