كيف تصيدين عريس؟؟!!

السلامـ ـ عليكمـ ـ ورحمة اللهـ ـ وبركاتهـ ـ ....
ـ ....

........

هذي طريقه كيف تصطادين المعرس دون اللجؤ الى الاساليب السقيمه من مغازلات..
وترقيم وتلميح..........الخ

أهم شيء أختاري على العجوز الي حاطه عينك على ولدها ..
ثم نفذي مايلي:
1)خليكي مع امك ولا تروحين مع البنات وتتهيبلين اصبري عنهم كم شهر لين تتم العمليه..

2)امشي وانتي حاطه راسك بين اكتوفك ولا ترفعينه ابد حتى لو عورك ..

3)كلمه خاله خليها دايما على لسانك خاصه لام المعرس عشان تحس بنوع من التميز..
.........
**** ملاحظه ماكره ****

لامانع تنادين عجوز ثانيه بخاله عشان اذا مانجحت الخطه مع العجوز ننبر ون تنجح مع ننبر تو..

للاحتياط :
4)اذابدت امك تتكلم انغزيها بكوعك عشان تدخلك في السالفه حتى لو مالك داعي

5 )اخوانك الصغار لاحقيهم وطامري معهم وين مايروحون حتى لو مو من عادتك عشان العجوز تاخذ فكره انك حنونه
ومهتمه بالاطفال

...........
6)كل مأكلت امك اكله زينه خليها تقول نفس الاكله الي اتسويها بنتي حتى لو الاكل من مطعم مكسيكي او صيني

7)اذا جيتي بتمدين ايديك توجعي وخلي امك تقول:
قايلتلك وانا امك ماله داعي تنظفين جدران البيت الخارجيه..
ملاحضهّّ(اقول نظفي غرفتك اللي كأنها ثايره فيهاقنبله )

8)اذا تكلمو الحريم عن العرس اكتمي نفسك لين تحمر خدودك عشان يقولون البنت تستحي وما لنا حق تكلمنا عندها
(لاتكتمي نفسك مره اخاف تروحين فيها..

9)مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطه

10)شعرك افرديه لاتخلينه طاير ولا تجعدينه مهما كانت الموضه لان العجايز مايدورون الا اللي شعرها ناعم

11)اذا ادلت العجوز باي رأي سوا سياسي او وطني او اقتصادي وافقي عليه حتى لو انه ماصخ وماله داعي

12)في العروس اضغطي على نفسك واقظبي ارضك ولا ترقصين واعتبري الرقص عيب وشق جيب

13)اذا جاء طاري السوق خلي امك تقول:بناتي مايحبون السوق ابوهم يجيب اغراضهم

# وبكذا تكون العجوز طاحت في الفخ#


#بالنسبه للمعرس ولد العجوزاتبعي مايلي :

1)اهجدي في بيت اهلك ولا تطلعين واذا جاء المعرس يشوفك خلي ابوك يقول:والله ودي تشوف البنت بدون ماتدري
عشان تاخذ راحتك وانا عمك وتشوفها على الطبيعه ماتقول غشيتوني

2)قبل يجي اليوم اللي بيشوفك فيه بحوالي اسبوع او اكثر طامري من صالون صبغ وفرد وتنظيف بشره......... الخ

3)اذا جاء المعرس خلي اخوك يوقف جنبه عشان مايطول التبحلق ويبان المستخبي وذلك لتطبيق نظريه (اللمحه ذبحه)

4)في نهايه المشهد خلي ابوك يقول ماعليش وانا عمك ترا البنت محيوسه

#النتيجه#
بينط الولد على راس الشايب ويبوسه لين يشفط مخه ويقول متى العرس ياعم
(ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطه محكمه
(ماتخرش الميه).. نتطرق لها في المرات الجايه.

عاد الي متزوجه وقاضيه تعلم بناتها..
اتمنى تعجبكم الخطط والقاكم قريب كل وحده معها معرس ...
ملطوش طبعاً ودخلت بسببه في موجه
من الضحككككككك


................................
..............................