طريقة جميلة جداً وتوفيرية لإعلاف الدواجن خصوصاً لأصحاب الحلال والمزارع

اغنام - ابل - دواجن - طيور

السلام عليكم ورحمة الله وبركاته


بدايةً ،، ارحب بالجميع وأتمنى لكم تمام الصحة والعافية


ثانياً ،،

ما يخفى على الجميع تكاليف الدواجن واستهلاكها اليومي

ففكرت بفكرة توفر فيها كثييير بحيث تستغني عن الشعير بإعلاف الدواجن

خصوصاً أن اعلاف اراسكو والشعير الآن غالي وإنتاج البيض يكون مقارب لأسعار السوق

مع اني لا اعتمد على الشعير دائما بل اعلف الدواجن برسيم الرطب من المزرعة تعويض نقص الشعير للمواد اللي يحتاجها الدجاج

ولكن الموضوع مكلف شوي ،،

وبعد ما لاحظت ورق البرسيم الباقي في معالف البقر والغنم الي يكون بشكل صغير جداً كأنه مجروش ،، وحجمه تقريباً مثل حجم حب السمسم

قلت للعامل يجرب له يوم وينقعه بالموية من العصر ويعطيه الدجاج الصبح بدري

يعني تقريباً تنقيعه 10 إلى 12 ساعة

وبعدها حط كمية بسيطة بمعالف الدجاج لإختبار التجربة بدون اي اعلاف اخرى،، فقط برسيم منقوع

ولما جيت العصر للمزرعة لاحظت ان الدجاج يفضل البرسيم المنقوع على الشعير

ويقول العامل انه حاط الشعير الظهر ولما جيت لقيت الدجاج مقبل على البرسيم وتارك الشعير ولا حتى مر عليه !!

فقررت اني اعتمد على هالبرسيم واوقف الشعير عن الدجاج

خصوصاً إن التجربة لها تقريباً اسبوع من الآن وما لاحظت على الدجاج الا العافية

وكذلك نفس الكلام مع البط والبح ،، ولكن البط ما يستغني عن الشعير و ياكله مع البرسيم ،،

انتظر تعليقاتكم وإضافاتكم

تحياتي للجميع ..~