نداء من القلب اليكم يا اهلاويين يامن تعشقون اللون الاخضر

في البدايه يمكن البعض يستغرب من العنوان ولكن اذا عرف السبب بطل العجب والسبب ببساطه لان الاهلاويين الايام هذي داخلين منتديات الزعيم بكثره واصيبوا بالغرور وكأن فريقهم البرشا فحبيت اوجه لهم نصيحه .

يقول المثل (اللي مايعرف الصقر يشويه)وانا اقول (اللي مايعرف الهلال يكويه)لان الزعيم يكوي كل من حاول يستصغره والا يشكك في قوته ،،الهلال من ايام صالح النعيمه وهو سيد الفن ومنبع النجوم وصاحب البطولات والانجازات ومسعد جماهيره ومبكي خصومه ....يعني ماهو الحوسني ولا فكتور ولا الاهلي بكل من فيه اللي يقدر يهز الهلال والا يوقف بطولاته لان الازرق بكل بساطه متقدم وسابق على الاهلي في كل شيء الشيء الوحيد اللي نعترف فيه ان الاهلي متقدم به علينا هو تاريخ التأسيس ومع كذا تفوقنا بالبطولات والجماهير عليهم وعلى جارهم وعلى جارنا ...اللي خلاني اكتب المقال هذا هو النشوه اللي اصابتهم بعد فوزهم على الهلال بهدف يتيم وكأنهم نسوا الرباعيه اللي كلوها اول الموسم اشكال والوان ...قاعدين يتوقعون نتيجة مباراة الاياب بجده وكل واحد يتوقع النتيجه تاريخيه وكانهم بيلعبون مع الفيصلي والا الانصار !!!!الهلال يا اهلاويين هو اللي جننكم وعقدكم وبكاكم وخلاكم تحقدون عليه اكثر من حقدكم على جاركم الاصيفر،الهلال يا اهلاويين هو اللي خلاكم تشجعون أي فريق يلعب ضدنا والسبب كثرة الضرب اللي اكلتوه ،الهلال يا اهلاويين هو اللي لايفرق معه اللعب في الرياض والا في جده..لكن مانقول الا قاتل الله الجهل .

***ندآء الى كل اهلاوي محب وعاشق لناديه لاتحضرون للملعب وانتم ضامنين التأهل لانكم بتواجهون كبير القوم وزعيم الفن والهلال وجمهوره وقت الشدايد تظهر معادنهم.

***ندآء لجمهور الهلال بالغربيه ساندوا الهلال في الملعب خلونا نستقبل الفريق من المطار للفندق ومن الفندق للملعب لازم الهلال يفوز لازم كل فريق يعرف حجمه اذا حضر الزعيم.
تذكروا ان الهلال في اسواء مستوياته يرعب خصومه ويقلب النتائج والتوقعات.