رساله لكل من يكتب مواضيع نقد واساءه غير هادفه ولاتقدم ولاتؤخر

http://upload.alhilal.com/img/019/b3asmla-a2.png

تحية طيبه لكم معشر الزعماء في كل مكان ..وبعد

لاحظت في الاونه الاخيره في المنتدى كثرت مواضيع النقد والهجوم

على ادارة النادي وعلى اللاعبين بمواضيع لاتقدم ولاتؤخر وللاسف الشديد

اغلبها من مشرفين مميزين بشبكتنا الغاليه وقد التمس العذر للبعض وليس

الكل من محبي النادي ولاكن ماهكذا تورد الابل يازعماء واقسم بالله بعض الاعضاء

يكرهونك بالمنتدى ويكرهونك بالكتابه وللاسف هم محسوبين على جماهير الهلال

واضرب لكم امثال كثيره يجيك واحد يكتب عنوان المرشدي ضيعنا والثاني يقول

الفريدي بطئ والثالث يقول سامي هو السبب والرابع يطالب بأستقالة الرئيس والخامس

يطالب بأبعاد المدرب سئمنا وطفشنا من هالمواضيع واتركوا الاداره تعمل وتركز فالوقت

لايسعف الاداره لا للتعاقد مع لاعبين ولااحضار مدرب جديد الا ان يكون ذا درايه وسبق

ان درب النادي وسبق ان تحدث ابو فيصل وقالها بكل وضوح حاسبونا مع نهاية الموسم

واقسم بالله لو راح شبيه الريح فلن نجد افضل منه وخير دليل الاعوام الماضيه كانت

ناجحه بكل المقاييس وهذه السنه خرجنا ببطوله ونحمد الله ونشكره علي توفيقه ودوام

الحال من المحال والاداره لاتملك عصا سحريه لجلب كافة البطولات فهم عملو واجتهدو

ولا يلام المرء بعد اجتهاده والتوفيق والعطاء بيد الله سبحانه وتعالى ولا موجود في هذا

الوجود يمنع عطاء الله عمن أراد له خيراً، كما في الحديث : (لو اجتمع أهل الأرض

على أن ينفعوك بشيء ما نفعوك إلا بشيء قد كتبه الله لك، ولو اجتمع أهل السماء

والأرض على أن يضروك بشيء لن يضروك بشيء إلا قد كتبه الله عليك فأنا احببت

ان اذكركم بهذا الشي واصبرو وآزرو الفريق الى نهاية الموسم ولك حادث حديث وان

شاء الله مع فترة الانتقالات القادمه ستتغير اشياء كثيره بالنادي والاداره حريصه

جدا على النادي اكثر منا نحن الجماهير وبعض الاعضاء الله يهديهم لمن يشوف

مواضيع نقد ومطالبات ليس لها اي اهميه ينجرف معها ويكتب ويسيئ للاداره

واللاعبين وهم بالاول والاخير بشر مثلنا يصيبون ويخطئون وحتى لو كانت هناك

اخطاء او نقاط ضعف بالفريق فستحتاج لوقت لتداركها وتلافيها وانا عن نفسي

راضي عن الاداره واللاعبين وكثر الله خيرهم طلعو لنا ببطوله هالسنه والجميع

يعلم بالانديه اللتي تفحط سنين ونين ولم يحصلوا على اي بطوله لامحليه ولاخارجيه

مع ان بعض الانديه صرفت اموال طائله جدا جدا قد تقترب من مماصرفه نادينا فكيف

سيكون حالنا لو لم نحقق اي بطوله وبنهاية موضوعي مالكم بهالوقت الا الصبر ومساندة

الفريق الى الرمق الاخير وبلا شك الاخطاء موجوده لاننكرها ولاكن لم اتعود من الزعماء

هذه القسوه على الاداره واللاعبين ونصيحتي لبعض الاعضاء ياتكتب شي مفيد او انك

تشارك بالردود او تتصفح وتقرأ ..مو لازم كل يوم تنزل موضوع والله اني اشفق على

المشرفين عليهم مسؤليه كبيره جدا خصوصا بموقع الهلال والى اللقاء

..وبالتوفيق للجميع