ابراء للذمه..........وقت الشراء والقرار لك.

اغنام - ابل - دواجن - طيور

السلام عليكم ورحمة الله وبركاته
ابدأ كلامي بذكر الله عز وجل ف لا اله الا الله ولا حول ولا قوة الا بالله والصلاة والسلام على اشرف الانبياء و المرسلين سيدنا محمد عليه افضل الصلاة والتسليم.
كل ماهو وارد في هذه الصفحه هي من راي وقناعه شخصيه وانا اتحمل ما اكتبه ولا اتحمل الاخذ به من عدمه.
ولا انصح ولا امنع اي شخص ان ياخذ ما كتبه معرف ابو هديل سكاكا.
وان ما اكتبه هو قراءه شخصيه وابراء للذمه من هاللحظه ولا اتحمل عواقبها......فانا بشر قد اخطئ وقد اصيب.

اخواني الكرام.
ذكرت سابقا ان السعر للبرسيم هو متغير وان العرض والطلب هو من يحدد سعر السوق اليومي...ولكن للمدي البعيد فان السعر سوف يصل لمرحله لا يستطيع الشخص ان يقرأ اتجاهه خاصه في هذه الايام الحرجه من السوق؟؟؟
الوضع الحالي هو ثابت الي حد ما الي نزول طفيف ؟؟؟؟

وكل شخص منا ينتظر الوقت المنشود للتخزين سواء لغرض التجاره او العلف اليومي. وسابقا ذكرت ان مدة وقت الشراء الرسمي حوالي باقي لها 25 يوم او قريبه من هالعدد الا اذا الطبيعه تدخلت....فلا حول ولا قوة لاننا بشر.

طبعا التبن كان هو سيد الموقف بلا منازع...ونزوله السوق يضغط بلا شك على البرسيم لو بريال واحد اقلها ما لم يكن اكثر من ذلك.
والملفت للنظر ان الان فيه حركة شراء قويه جدا جدا جدا على مزارع القمح وهو لم يحصد بعد وباقي عليه اكثر من 25 يوم او يزيد ؟؟؟؟؟؟ التجار راكضين ورا التبن هالموسم......؟؟؟؟
وحتي لو نزل التبن.....كم راح يضغط السعر؟ وهل فعلا راح يضغط السعر؟ومن يعلم الغيب؟؟؟؟؟؟؟؟
والملفت للنظر اكثر من ذلك ان اللقاطات عليها حركه هاليومين.....واللقاطه (للي ما يعرفها) هي اللي تلقط البلكه من المزرعه ليتم تطليعها بره الرشاش لغرض التخزين؟؟؟؟؟
واهل الرشاشات عندهم فلوس....ويقدر يصرف على رشاشه الموسم كله وبعدها يبيع باللي هو يحدده....!!!؟؟؟؟
واليوم انا شفت اكوام بدت تطلع بره الرشاش.....والناس اليوم وامس واللي قبله بدت تخزن برشاشاتها.
وطبيعي جدا نحن ان اذا جارك خزن انت راح تخزن وتستمر هالسالفه الين اغلب الناس تخزن.......والجوال ما خلا شئ والاتصالات اكيد متواصله مع جميع المناطق الزراعيه بالمملكه.
بالنسبه للجو لغرض تخزين الصنف المناسب؟.......الان لابأس به والرطوبه بدت تخف بالليل.
وقريبا راح تصير ازمة تلبين لان الجو هو اللي يحكم اللبانات ولا احد يقدر يلبن الا ساعات معدوده بعد منتصف الليل وقد يمر يوم او يومين ولا يكون فيه رطوبه مناسبه وتضطر اللبانات للتوقف غصب عن عين التاجر او صاحب الرشاش... وهذا يقطع السوق ليوم او يومين مثل ماصار الاحد الماضي حين ارتفع ريال وانا ذكرت هالارتفاع وذكرت اسبابه وانها اسباب عابره لا اكثر....يعني وضع الرطوبه حاجه خارجه عن يد البشر.
لدرجه ان بعض المشاريع يطلبون من جارهم انه يشغل الرشاش حتي يقدر يحصل الرطوبه المناسبه برشاشه من خلال ماء الرشاش او رطوبته المنتقله بالهواء اذا كان الهواء باتجاهه........ البدو صار عندهم علم ياباني ههههه.

المراد والزبده.
مشاريع بسيطا طبرجل.......الناس بدت تطلع البرسيم وتخزنه برشاشاتها.......والعلم اسندوه عن ابو هديل.
اما المنطق الاخري فاجهلها ولا اعرف اتجاه تجارها.
وهالحركه من تبدأ......فانها تقلب الموازين وتلغي نظرية ان التبن راح ينزل السعر الي سعر العام.
انا اشوف ان كل واحد كان ينتظر الضوء الاخضر من ابو هديل بالنسبه لبسيطا وطبرجل فقط .....فانا اعطيه الاشاره ولست ملزم ان تستورد صنف طبرجل او انك تشتري او تتعامل معي. ولكن اضبط وضعك من هاللحظه لو تشتري من السوق اللي ببلدك. ولكن لا اتحمل عواقبها ان اخذت بها او لم تاخذ بها.
طبعا السعر ما راح بنقز بين يوم وليله ولكن الاحتياط واجب.
اليوم سعر اطيب اللي بالسوق من 13 ريال الي 13.50 ريال....وانت نازل
وقد ينزل اكثر من ذلك ولكن الاحتياط واجب.....واتمني ذلك.
للمعلوميه....العام كان اطيب برسيم ب 10 الي 10.25 ريال انا واقف عليه وبايعينه بارضه وتقريبا كان بهذا الشهر كان الذاكره اسعفتني.

والله اعلم
تقبلو تحياتي وتقديري
محبكم....ابو هديل

الموضوع للرفع بذكر الله ولتعم الفائده لاعضاء المنتدي والزوار.