عمليتي التكميم عند الدكتور المبدع وليد بستكي بالتفصيل الملل

السلام عليكم*

اشلونكم بنات

قبل لا ابلش قصتي حابه اقول شغله
طبعا كلنا مرينا بمرحله الخوف والتوتر قبل العمليه*
اسويها ما اسويها*
ونقعد نبحث عن العمليه ونسأل بس اقولكم الي كانت خايفه مثلي سوييييييييييها بدون تردد

خصوصا اذا رحتي عند د وليد والله تتشجعين وتتوكلين علي الله


بس لا تشوفين فيديو نصيحه


شاورت *ريلي وامي واهلي قالوا توكلي علي الله

*ورحت عياده الدكتور وليد بستكي واستقبلني ماقصر معاي شرح لي العمليه وسلبياتها والايجابيات

ايجابياتها وااااايد بس سلبياتها الحرمان من الاكل بفتره قصيره *والتسريب والنزيف اثناء العمليه وقالي1% يحصل التسريب فقالي لا تحاتين
*وقتله شلون اذا حملت قالي افضل اول ٦ شهور ماكو حمل لان خلال ٦ شهور تقدرين توصلين للوزن المثالي مع نادي طبعا*

واذا صار حمل بعد ال٦ شهور البيبي يكون زين حالي حال اي حامل لان خفت اولده وزنه قليل قالي لاااااا تولدينه وزنه طبيعي بس قالي لازم تقولين للدكتور انج مسويه تكميم يعطيج فيتامين خاص هذا بخصوص الحمل

وبخصوص النادي قالي بعد شهر من العمليه تدشين ماكو خطوره والجماع بعد ١٠ ايام حق المتزوجات هههههه



وكان جداااااا محترررررم واسلوبه راااقي ويشجع عكس دكتورين رحت لهم نفسيه خايسه ويطنزون*
اهم شي انا عندي النفسيه*

مالكم بالطويل


بكتب كل شي بالتفصيل المملل علشان الي خايفه وبتسويها تطمممممن
قالي ابي منج سونار وتحاليل ومنظار قتله انا مستعيله لظروف ابي اسويها خلال هالاسبوع قالي خلاص سويهم كلهم باجر

طرشني لدكتور سالم الشمري بمستشفي السلام

رحت اول شي سويت تحاليل شامله وفيتامين دال طلع علي141 دينار



تالي رحت المنظار عند د سالم الشمري *بملابسي بس قالتلي *السستر فوق ملابسج لبسي لبس المينانين ههههه

وبالسرير من الملاحظه *جروني لي غرفه المنظار سألني جم اسئله والسستر قزتني ابره علي ايدي ماحسيت الا انا بغرفه الملاحظه مره ثانيه لمن قعدت قلت اشصار وين انا :eh_s(1):هههههه كأنج نمتي وحلمتي وماكو لا عوار ولا شي اللهم تحسين شي ابلاعيمج دقيقه ويروح وكلفني المنظار اتوقع 100 دينار وطلعت النتيجه ب10 دقايق وياني د سالم قالي الاشعه سليمه ومستعده للعمليه الحمدالله
لمن خلصت رحت لقسم السونار دخلت علي طول كانت مصريه وعطتني الاشعه وقالت الحمدالله علي شي طبيعي وخذت مني اتوقع 80 دينار

خلصت الحمدالله قلت حق ريلي خل نروح لدكتور وليد هالحجي يوم الاربعاء قالي يالله لان عياده د وليد بالمسيله يم مستشفي السلام
طبعا بسرعه خلصت لان خاص لو الحكومه جان علوا قلبي هههههههه
المهم*
رحت لد وليد وشاف تحاليلي قالي الحين انتي مستعده للعمليه متي تبينها قتلها باجر ومات ضحك قالي ليش مستعيله قتله دكتور اذا انت فاضي توكل علي الله قالي اي فاضي *لان عملياته كل خميس

قتله بس دكتور انا اليوم قدمت علي القرض قالي مو مشكله وقت ما فلوسج كامله دفعي مو شرط الحين*

صار يوم العمليه الصبح الخميس

طبعا نسيت اقولكم لازم قبل العمليه بيومين يكون الاكل خفيف يعني لاعيوش ولا دهن علشان لا تتعب معدتج

رحت الساعه 9 ص مستشفي السلام مع ريلي حجزت غرفه عاديه جنه ليليتها ب80 د
قالتلي الموظفه بالاستقبال لحد الان ماكو غرفه فاضيه بس بنحطج بالملكي علي ماتفضي بس قالتلي مجانا
دفعت لهم 800 دينار شامله غرفه العمليات وليلتين والادويه وقالتلي وقت خروجج اي شي زايد تدفعين عاد لمن طلعت دفعت 11 دبنار بس قالوا لريلي دوا عاد شنو هذا ما ادري*

المهم رحت غرفتي الملكيه قعدت لي الساعه 1 يات السستر عطتني مهدأ وعطتني لبس العمليات وقالت الساعه 3 دكتور وليد راح ايي

مليييييت قعدت اكلم خواتي بالواتساب وريلي يطفرني لاني كنت خايفه *ومعني عطوني منوم بس مانمت هههههه من الخوف



شي طبيعي الخووف


صارت الساعه 3 يات السستر ومعاها السرير واااي يمه خوف مو طبيعي نمت فيه وريلي معاي قمت اوصيه علي حبايبي*
وريلي يضحك علي:krkrkr:

دخلت ويمكن 3 اشخاص مروا علي يسألوني فيه امراض- حساسيه من دوا- جم عمليه سويتي ومن هالامور علشان يطمنون

اخر شي ياني دكتور التخدير حدااااااااا حبوب ونكتتتته هههههه يبي يطير الخوف مني والحمدالله اجواء العمليه كلهم يضحكون معاي الي يسولف معاي والي يضحكني *نسيت شي اسمه عمليه واخر شي ياني الدكتور وليد وااااايد ارتحت لمن شفته احس ان هو الي اعرفه بالغرفه وقعد يقولي ودعي المتن ومن اليوم بتعيشين حياتج احلي وكل شي تبينه بصير وفالج الرشاقه حددددي ارتحت قالي ابي رقم ريلج علشان اذا خلصت ادق علي ريلج*
تالي قالي مستعده قتله دكتور توكل علي الله*
حطوا الكمام الساعه 4 العصر *ودق الدكتور علي ريلي الساعه 5 قالي ام الحلو زينه الحمدالله يارب عمليته تمام

انا قمت وبسرعه رفعت راسي علي الساعه شفتها الساعه 7 المغرب قلته اووووووووووله لييييش طولت جذذذي
حسيت بألم خفيييف انادي السستر اقولها ااه عوار تقولي لا تتحركين*
ودوني غرفتي ريلي ناطرني قتله ليش جذي طولت قالي علشان يتأكدون ان كل شي تمام والحمدالله علي سلامتي

كانت 5 فتحات خفيييييفه جنه شمخ ياهل وماكو بربيش وما قرب للسره اهم شي لان هذا الي يعور


من اول يوم مشيت وصايمه ليلتين*
الي تأذيت منه كان احساس الترجيع ومعدتي فاااااااضيه
تذكرت نساااتي
واحساس بلوعه *كنت اقول ردوولي معدتي ههههههه
بس الحين اقول يااااليييييييت مسويتها من زمااان اااخ بس


يوم الي بطلع عطوني اشرب ماي 30 ملي كل ساعه
ومرني د وليد عطاني نصايح قالي بس شربي ماي وعصير تفاح وماي الشوربه بس


*الحمدالله يارب رابع يوم مارست حياتي طبيعيه ماشالله تبارك الرحمن*


الي متردده اقولها سويها وانتي مرتاحه لا تهتمين لا بفلوس ولا بأحد اهم شي صحتج ورشاقتج نفسيتج تتعدل كل شي يتغير فيج

والدكتور كان ينصحني من قلب مو مادي كلش ماقصر معاي وكافي ماشالله شاطر ماتحاتين شي مدام هو دكتورج توكلي علي الله



وسامحوني ما اقدر احط وزني قبل وبعد العمليه العين حق هههههههه بس نزولي حلو*



واي شي تبونه سألوني انا موجوده وراح ارد علي كل اسئلتكم


بس الي متردده اقولها روحي للدكتور وليد *بستكي وراح تتشجعين وباجر تضحكين علي نفسج ليش خايفه ومتردده جذي