الله رمى حظي وراه

بسم الله الرحمن الرحيم

متاسف اكتب باللون الاحمر ولكن هذا واقعنا رقم اجتهاد المحللين والمحلحلين:chargrined:

سوقنا اصبح السوق الاول في جني الارباح والارواح بدون منازع

كسر الصحون كلها البلاستك والرجاجيه وكسر معه الكيسان

توصيات ما يقارب الشهر توصيات صريحه وجريئه على كثير من الاسهم

يقولك المثل (طب وتخير بس )تبي سهم استثماري ممتاز فيه تبي سهم مناقز فيه تبي سهم راعي مفاجئات فيه

اشتر وسكر على اسهمك ولا تعطيها اياهم انتبه انتبه وبعدين والى وين هذا الكلام انتـــــــــــــــبه !!!

والله ماحنا في راحه ولا احنا في سوق ارضه واقعيه لان الاقتصاد قوي عندنا والمشاريع بالهبل والبنوك ماشاء الله شافطينا

يعني نجمعها منا ونعطيها منه او يمسكونك الى خمس سنوات مزنوط براتبك يقصقصونه وانت جالس ماتقدر تسوي شي

لا انت اللي استفدت من هذا القرض ولا انت اللي جمعت فليساتك وراتبك

على العموم انا لا اصدق اللي جالس يصير في الاوقات الحاليه

ياجماعه مهما كان في اخبار في العالم سلبيه ماعتقد بهذه الطريقه رش وتصريف احترافي

الحمدلله انا اهون من غيري بكثير وسمعت كلام كذا شخص واقنعوني ولدي فرصه لتعديل

ولكن ماذنب اخواننا اللي دخل تقريبا بثلث سيولته واللي دخل بالنصف وغيرنا شاري بالكاش كله خاصه قبل اسبوع

ماتوقعنا الاسبوع هذا يواصل نزووووول ولكن نقول الله كريم والله يرزق من يشاء من غير حساب

نحن دخلنا السوق ومتوقعين النزول ولارتفاع ولكن مو بهذه الطريقه البشعه

مستخسرين علينا ارتفاع المؤشر 1500نقطه في 4شهور او 3 شهور من بعد تبنيج المؤشر لسنوات الثلاث

اذا وصلنا للعشره او لتسعه الاف نزلوه بهذه الطريقه ولكن حسبي الله ونعم الوكيل في المتسبب .

الله لا يخسر عليكم اخواني ووسعو صدوركم والصبر زين والمخرج الله

تحياتي للجميع