انقفل باب المحبه والهيام وانكتب بأعلاهـ ((ممنوع العبور))!!

الظنون الّلي ملت دربي ظلام
.....................أوهمتني , وعكّست بعض الأمور !


( القلم ) .. حاله على مالا يرام
.................( والورق ) .. يشكي من اجحاف السطور


صاحـبي والعين ماتقدر تنام
..........................والسكوت اشبه بـ كتمات القبور !


من كثر صدمات عمري فـ الغرام
................صرت اعاني من مرض ( ضيق الصدور ) !


ماتخـيّلتك .. تـرد الإحـترام !
................................في جروح غلافها كثر القصور


كيف كنت تقول له نفس الكلام ؟
............................وكيف كنت تبادله نفس الشعور ؟


تظهر اللّهفه .. بكثر الإهتمام
..........................والجذور الخاينه ( نفس الجذور ! )


صرت في أرض الجفاف وفـ إنعدام
.............................بعد ماكنت الشّذى بين الزهور !


لاتفكر في بلوغك لـ المرام
...........................وأنت من حطّمت بيديك الجسور !


كثر ماكنت أبتسم عند الملام
............................ماجبرت بـ خاطري كثر الكسور !


صرت فـ مرورك مع مرور الكرام
................................وخابره ماهو بـ حيّ الله مرور !


آخر حقوقك علي ( رد السلام )
.............................والشعر , يبقى لـ طعناتك شكور


أربع سنينٍ أعشقك عامٍ بـ عام
........................فرحتي منها مغير ( أربع شهور ! )


ماتت أحلامي , ومن مثلي:- حرام !
..........................ينسرق عمره , ولو راح ( معذور ) !


بتركك ياحب , وأرقى لـ الغمام
.................................والحزن , يلقاله إنسانٍ صبور


إنـقفل بـاب المـحبّه والهـيام
............................وانكتب بـ اعلاه ( ممنوع العبور ) !!