الاجمنتين البشري علاج مدهش للبهم.......

اغنام - ابل - دواجن - طيور

السلام عليكم ورحمة الله وبركاته
ياخوان يشهد الله اني احب لكم الخير كما احبه لنفسي...

الشهر الماضي صار عندي حالة غريبة لدرجة اني نزلت موضوع بالمنتدى عن الحاله ..وش لكم بطوالتها..الحاله المرضية حصدت عندي 11جفر وجفرة..في فترة قصيرة لا تتجاوز العشرين يوم

الحالة اجتهد فيها الكثيرمن مربي الحلال العتاولة والاطباء ..
الي قال من الحليب واللي قال دموي واللي قال لي معوي واللي قال لي قلاعية واللي قال مرض عند البدو يسمونه الركاع...والدكاترة يتخبطون في الحالة ...
الزراعة جيتهم والاطباء فيها سعودين وبعد ماقلت لهم عن الحالة وفسرت وفصلت قالو بس هذا طاعون.....قلنا يله نطعم طاعون
ولا فيه فايدة..بالاخير ماستفدنا ششي والحلال راح...

الحالة كاتالي ..

مايصيب الا الي عمرة من خمسة ايام الى اسبوعين..تروح من عنده مابه الا العافية تجيه العصر تلقاه طايح ماتشيله عظامه والراس بالارض وبعضهم من يوم تشوفه تقول ذا موات العموم لا يرضع..وفعلا يموت مع اننا نعطيه مضاد حيوي طويل المفعول وخافض للحرارة...البعض يقعدله يومين ويفنقش...والبعض مايمديك مير تقول بسم الله..
تعبت من الحاله..وعدم استجابتها للادوية البيطرية...والحقيقة اللي خسرته على هالحالة وعلاجها قريب من الف ريال...بالاخير سلمت امري لله..

ولكن لم استسلم..وفكرت في فكره...
قلت ليش ما اجرب الادوية البشرية بحكم ان صيدلي وحاصل على بكالوريس صيدله واعمل في صيدلية واعلم تمام العلم ان ادوية الحلال ماهي الا ادوية البشر ولكن بتراكيز وجوده اقل... وخصوصا ان الحالة مستمرة ومعدية..وعلى كذا هالمرض بيقضي على جميع الانتاج الجديد والحلال في مرحلة ولادة..

امرني الله وبديت بالاجمنتين شراب للاطفال...وبديت بتركيز 175مجم
يعتبر ضعيف..بالمقارنه بغيره من تراكيز الاجمنتين...اعطيته لجفر كان اخر واحد وهو رقم 12

وكانت النتيجه مذهلة من اول ما اعطيته له..مع خافض الحرارة برضه بشري واعطيته له اول شي مرة باليوم 2مل للكل...فقعدت الحالة معي اسبوع وتم الشفاء الكامل

بعد ذلك ..حصلت عندي حالات عدة كان الاجمنتين هو المنقذ لي بعد الله.
قمت بمضاعفة الجرعة حيث اعطيت 5مل من الاجمنتين وكذلك خافض الحرارة..مرتين يوميا وكانت النتائج مذهلة جدا حيث تم شفاء الحالات بالكثير 3 ايام مع عزل الحالات المصابه....
وعموما سوف تلحظ الفرق من اول جرعة

الغريب في الامر اني جربته على حالات اخرى وكانت النتيج مذهلة
الحالات ..:
الرخاوة
السلحة
البشمة من الحليب..مع عدم الرضاعة
وكانت النتيجة مذهلة وفعالة جدا
صار لي شهر ونصف توقفت عن اعطاء الادوية البيطرية وخاصة الحقن...لان ظررها على الجفار هو عدم تحملها لعملية الوخز وما هوكل واحد يعرف لها

كل ما اطلبه منكم دعوة لي بظهر الغيب