السلام عليكم ورحمة الله وبركاته , :ba1:
صباحكم , ورد
مسائكم , ورد
{ على حسب وقت قرائتكم للموضوع }
بالامس وتقريبا الساعه الـ 7
نزلت موضوع عن الحضور وان ابوفيصل يستاهل حضور 70 الف متفرج
وجميع اللي ردو ايدوني , وقالو ايه وابوفيصل ماقصر ,
طبعا مو هنا المشكلة , بعد الخسارة كللل اللي ردو , شفت لهم مواضيع
ابوفيصل لازم يرحل , ابوفيصل يكفي ماصار , ياناس انتم قبل المباراة تمجدون فيه
مابي اقول انهم جمهور { ع ا ط ف ه } بس ماتتفسر الا كذا
برشلونه : ترا الموسم هذا انهزم 3 هزايم
مدريد : انهزم مرتين
افضل الاندية بالعالم تخسر , ومانشوف المشجعين يفتحون النار على الادارة لان لكل جواد كبوه ,
وخلونا من جمهور العاطفة لاننا لو جلسنا نتناقش عنهم ماراح ننتهي .
نجي للموضوع الاهم , { سامي الجابر } الذئب
بالامس القريب وتقريبا السنه الماضية في اياب كأس الملك , استلم الفريق
وتعادلنا 1 - 1 لكن مع مستوى الى االان تتباهون فيه ,
وفي كأس ولي العهد هذا االموسم استلم الفريق مع بونان , وصنع فريق كـ هلال جيرتس
وهزمنا الاتحاد رايح جاي , والان لما خسرنا من الاهلي , فتحتو النار على سامي الجابر
بحكم انه يتحكم بالتشكيلة , ليه التناقض ؟؟
لو انتم مقتنعين ان سامي هو اللي درب ببطولة كأس ولي العهد . !
كيف المستوى الحين مختلف ؟؟
سامي مساااعد مدرب , له رأي بالتشكيلة لكن لو قال هاشيك لا , سامي مايقدر يقول شي
وان كان كلام العاطفيين صدق , كيف هاشيك يرضى ان سامي يلعب بتاريخة , ويدرب بأسمه
ي ناس حنى عندنا عقول , المشكلة مو من سامي , المشكلة من المدرب من الاول , كفاية تضليل
وانا ادري لو تكلمت وتكلمت ودافعت ماراح اوفي سامي حقه لذلك نحول لـ فخر الهلال
حسن الناقور
يوم خسرنا امس من الاهلي وبمستوى اقل مايقال عنه لـعب حواري , بدون تكتيك وفريق ضايع
دخل بتويتر وتحدى راح ناخذ بطاقة التأهل من جده واعلن ان 1000 تذكرة هدية لجماهير الهلال ,
وانا متأكد من هالتصريح ان الرعب دب في قلوب الاهلاويين , لان ابو علي قول وفعل
نروح للنقطة الثالثة , الحضور الجماهيري
افا ي هلال , على ارضك , وبين جماهير الاهلي !!!
نصف نهائي كأس الملك الهلال والنصر . من يتذكر الواجهه ؟؟
مباراة امس لولا كبر الملعب ولا كنت احسب اننا بجده
لاتقولي مستوى الفريق يخوف ومدري ايش , جمهور الاهلي حقق لهم بطولة
ريال مدريد , يترقع من برشلونة , ومع كذا يحضرون , ويازرون الريال
جماهير بيروزي , فريقهم الخامس بالدوري , وحضورهم 72 الف متفرج
لاتصرفها بالمستوى لو تحب الهلال صدق كان حضرت
مانقدر نعاتب ابو فيصل وحضورنا كذا , واللي بيعاتب الادارة وربي وجهه مغسول بمرقه
انت احضر , ولاتقولي حضرنا وانهزمنا , العشق مو بس بالانتصار , حتى بالهزيمة في عشق
جمهور الجار , الاصفر الصغير الى الموسم الماضي وهو يملئ المدرجات , وفريقهم يصارع للبقاء
هذا العشق , ومابي اقهركم بالمقارنة , لكن اتمنا انكم تفتحون عقولكم والحضور ثم الحضور ياجماهير
الزعيم , ي هوامير الصحراء ,
اختلاف وجهة النظر لايفسد للود قضية
