فريقنا اعرج واعمى ومنتدانا ساهم بزيادة العرج والعمى.

والله حيرتونا معاكم يامشرفي منتدى شبكة الزعيم كنا من اول الموسم نحاول نصحي الاداره على الاخطاء اللي وقعت فيها سواء كان في التعاقدات او ضرورة التخلي عن بعض الاسماء المحليه عديمة الفائده وكنتم دايم تواجهون مقالاتنا بالحذف مع ان الكثير من المقالات كتبت من جمهور ناصح ومحب وهم من يفيد الهلال اما جمهور التطبيل فتظل مشاركاتهم موجوده باستمرار بل ان بعضها يتم تثبيه ....ياساده المثل يقول ((صديقك من صدقك لا من صدقك))والله كنا نتألم من مستوى الفريق من بداية الموسم ومن المشاكل الاداريه اللي طيرت نجوم الفريق واذا احد تكلم طلعوا لنا بعض الاعضاء الصغار يرددون كالببغاوات ((يافقراوي يا مندس روح منتداكم)) واليوم في نهاية الموسم قاعد اشوفكم كمشرفين تسمحون بمقالات تصلخ الفريق صلخ طيب وينكم من اول حتى بعدما نراسلكم ونسأل عن سبب حذف المشاركات ماتعبروننا كأعضاء بالرد ...ندآء من هلالي صميم الهلال ملك الجميع لانسمح لأحد باحتكار الهلال.
بالله عليكم هل كان الفريق عاجبكم علشان تطبطبون وتخدعون الاداره من خلال تبني الرأي اللي يوهم ان الغالبيه من الجمهور مبسوطين من وضع الفريق يجب ان تعرفوا يا مشرفي المنتدى ان منتدانا يمثل رأي جمهور الهلال وسماحكم لمشاركات التطبيل للغلط وحذف المشاركات الهادفه الصريحه ساهم بشكل اوخر بأخر في استمار الاخفاق.

عموما الموسم قارب على النهايه بكل سوئه واخفاقاته واحباطاته وياليت نأخذ درس كهلاليين اداره و لاعبين و مشجعين وننسى اللي راح ونبداء بدايه جديده للموسم القادم والا سيكون مصيرنا مصير النصر.