تجربه حصريه لمنتدى كويتيات خاصه فيني (بـ كريم الكل خايف منه)) حيآآآكم

بسم الله الرحمن الرحيم
اول شي انا مسؤوله امام الله عن كلمه راح اكتبها هنا
واقسم بالله انها تجربه شخصيه مني انا شخصيا
وحصررريه لمنتدى كويتيات فقط وما احلل اللي تنقلها لاي منتدى ثاني
بسم الله الذي لايضر مع اسمه شيئ في الارض ولا في السماء وهو السميع العليم
بسم الله الذي لايضر مع اسمه شيئ في الارض ولا في السماء وهو السميع العليم
بسم الله الذي لايضر مع اسمه شيئ في الارض ولا في السماء وهو السميع العليم
حبيباتي بنات الخليج اجمع وحبيبات قلبي بنات بو متعب خاصه
انا جايه اليوم اقدم لكم تجربه حيه مني انا لكريم استخدمته او بالاصح كورس لوجهي وجسمي غيرني الف درجه
بالبدايه حابه اوضح لكم مشاكلي قبل اتخلص منها ومعاناتي خلال 6 سنين في البحث ع البياض الحلو وتوحيد لون البشره
بالبدايه كنت ابي اوحد لون جسمي لانه كل مكان لون
غير الاماكن اللي كانت غامقه حيل
وهاتك ياخلطات طبيعيه وطبيه وفيتامينات ومدري شنو المهم صرت فار تجارب من جد
لدرجه كنت اوسوس اقول شكلي بموت بكره بمرض جلدي
وقفت فترة ست شهور طفشت ويأست من بشرتي المستعصيه
وقتها كانت هبة حبوب التبييض
واستخرت واشتريت شيسدو 3 علب
واستخدمت 3 شهور مجرد نضاره بس
قلت اكيد جسمي ماتقبلها لان عليها تجارب بالهبل
ورحت واستخدمت الايفوري 3 شهور
حلوه وتفتح بس مو بالنتيجه اللي تمنيتها
تخرجت من الجامعه ومن الفضاوه قعدت اتدهر بعمري خلطات
كانت في نتيجه حلوه مره خاصه اني من النوع اللي يستمر ماشاءالله
بس كل ما اشوف خوياتي وبنات جماعتنا كل مالهم يلقون انقههههر واتحسررر
والمصيبه يقولون انتي حلوه بس سمرا
وازيد اصرار واصرار ع اني افتح بشرتي لو 3 درجات
ومره من المرات اللي اعتبرها الساعه واللحظه اللي غيرت حياتي ونفسيتي وكل شي فيني
كنت اسولف مع اخوي ع المسنجر
هو يدرس بأمريكا بشيكاغو بالتحديد وهو اقرب خواني لي ودايم اشكي له والمسكين كل شوي يرسل لي رابط عن حبوب ومدري ايش
مره قعد يسولف لي انه وهو نازل للصيدليه بياخذ مسكن صادف صاحب الصيدليه شايب وبروفسور ماشاءالله
يقول ماطرى في بالي غيرك اسأله عن شي يبيض>>بعد عمري لين هاليوم وانا اتصدق عنه لانه بجد غير حياتي بعد ربي سبحانه
الزبده اخوي تكلم معاه وكب العشا عنده خخخخخخخخخخخخ وعلمه بمغامراتي الحلوه
قال له الصيدلي اول شي تروح تسوي تحليل للغده الدرقيه وبعدها تجي اعلمك ايش راح يبيضها
سويت بالاردن تحليل شامل كامل والحمدلله كل شي كان تمام
ونسخت له بالسكان صوره وارسلتها لاخوي ووراه البرفسور
وصف لي بودرة البنكوين البيور الخام>>>وقتها قلت لاخوووي ووووجع تبي تدمرني انت واياه انا مافيني بهاق الحمدلله
قال ياخبله يدري بس قال حتى اللي مافيهم بهاق يستخدمونه بشكل جدا طبيعي
قلت صبر اسوي بحث اخاف
والله واقعد لكم شهر انبش وادور وابحث وربي جاني ضعف نظر
اللي عرفته وتأكدت منه زين زين انو آمن ويستخدم للي يبون يوحدون بشرتهم ويبيضونها
بس بتركيزمعين الا وهو 30% وبشرط يكون بنكوين خام بيور
طبعا اتحدى احد يلاقي هالبودره الخام
الزبده انو ابن الحلال هالشايب الطيب هو خلط لي لجسمي ولوجهي وعطاني حبوب الورد البري بالفيتامين سي اكلهم اثناء استخدامي للكريم
وقال المنطقه الحساسه لاتحطي عليها وصرف لي كريم اسمه ساوث بيتش
ادري بتقولون مغامره بس اللي مرت بمعاناتي بتحس فيني
والله ويشحنه لي بالبريد تقريبا 10 ايام وهو عندي
واستخير مره ثانيه وتطمنت شوي وبديت فيه
طبعا اغسل جسمي بصابونه مبيضه ووجهي وانشفه واحط طبقه خفيفه كأني احط لوشن ع وجهي وجسمي
والصباح اقوم اغسل وجهي بس واحط مرطب جسمي ما اغسله لا اخلي الكريم 24 ساعه
بالبدايه ما استخدمت الحبوب ماكان لي خلق
اقسم بجلال الله وقوته وعظمته من رابع يوم حسيت لمعه قووويه ببشرتي قلت اركدي يمكن اتوهم
والله العظيم خلال اسبوعين توحد لوني تماما الاماكن الغامقه توحدت مع لون جسمي
بس برضو صكتني نفسيه ابي بياض>>طماعه ههههههههههه
قال استمري عليه 40 يوم
الكميه ماشاءالله راهيه حيل كفت ووفت
قلت هالمره باكل الحبوب معاهم
3 حبات باليوم قبل الاكل بنص ساعه
يابنات يمين بالله اني اتفحص وافتح الليتات وابقق عيوني اقول بلكي اتوهم
اقسم بالله مفاصل يدي البنيه قلبت ورديه
وجهي اثار حبوب حمرا وبنيه وسودا والله يحاسبني عليها ليوم الدين طبقه مخمليه بيضا>>ماشاءالله لاقوة الا بالله
الان لي فوق ال3 شهور تاركته ومحافظه ع الترطيب والحبوب بستمر عليهم سنه لانهم مكمل غذائي حلو وينقي الدم

بس لسه باقي موسوسه بسالفة صبغة الميلامين والامراض
واقوم انزل لاختي بالاردن واحجز موعد عند دكتور جلديه شاطر
واقردنه اسوي تحليل واسأله عن سالفة الصبغه وهيك
تحاليلي ماشاءالله لاقوة الا بالله كلها حلوه حتى سألني ايش بتاكلي يامزه :$
وبالنسبه لصبغة الميلامين قال ماتنسحب او تتدمر الا لما نعطي ابره اسمها ابرة البنكوين وتركيزها 100%
اما اللي استخدمتيه امن وعلاج حلو للي مثلك يعانوا من سمار بس مو اي احد يوفر بودرة البنكوين الخام لانها طبيه وغاليه ومنيح ماطحتي ع حد غشك لانو في مغشوش
حتى قال جربي تطلعي بالشمس ربع ساعه اذا صار لك حساسيه معناتو في مشكله
والله تنقعت ساعه ماشاءالله لاقوة الا بالله ماصار لي شي
وآخر شي حابه اطلب طلب صغيرون لكل وحده مرت هنا هذي تجربتي انا والله من غير زياده ولا نقصان وربي الشاهد
كتبتها لكم لاني اموت بهالمنتدى الحلو واحبكم كلكم
وابي دعوه صغيرونه انوربي يرزق خطيبي الوظيفه الحكوميه عاجلا غير اجل ويرحم ابوي وخواتي برحمته يارب العالمين

همسه
//
ما احلل ولا ابيح اي وحده تنقل الموضوع لاي منتدى اخر
لانه حصري لمنتدى كويتيات ولانها امانه انسأل عنها يوم الدين
فـ مابي وحده تنقله ويقعدون البنات يطيحون باللي مايخافون ربهم
انا هنا للنقاش والسؤال وعسى ربي يقدرني اساعد البنات
وارد لو شي بسيط من فضل هالمنتدى
:eh_s(7):